«عايزة بيتي».. صدمة سيدة بالبحيرة بعد دفع 4 ملايين جنيه في سراب

استغاثت سيدة من محافظة البحيرة بعد دفع 4 ملايين لشراء منزل، لكن في النهاية لم تحصل على المنزل حتى الآن، قائلة: «بعت دهبي وعربيتي علشان أجيب بيت كويس أعيش فيه حياة كريمة مع ولادي».

وأوضحت، خلال تصريحات خاصة لـ نيوز رووم: «السعر اللي اتفقنا عليه للبيت كان 5 مليون و500 ألف، وكنت هدفع 4 مليون واستلم، وبالفعل دفعت 4 مليون ومعايا عقد تمليك من 2022، لكن بعد ما دفعت الراجل رفض يسلمني البيت بتاعي وقدمت شكاوي ومفيش حاجة بتحصل».

سيدة البحيرة: حصلت على حكم نهائي ولم أتمكن من تنفيذه

وتابعت: «رفعت قضية على الراجل وأخدت حكم نهائي 6 شهور لكن محدش عارف يوصل للراجل، لأن الراجل اللي بالي البيت هربان لكن ابنه عايش في بيتي وبيأجر المحلات بتاعتي».

[[system-code:ad]]

«بقالي 4 سنين باخد أحكام ومش عارفة أنفذها»

وواصلت: «بقالي 4 سنين باخد أحكام مش عارفة أنفذها ولا عارفة أخد بيتي.. حرام أنا جوزي بيشتغل ومنزلش مصر من 7 سنين متغرب علشان الفلوس دي».