ياسمين عز تدعو قبل مواجهة الأرجنتين: «يارب العالمين انصرنا عليهم»
وجهت الإعلامية ياسمين عز دعاء لمنتخب مصر قبل مواجهة الأرجنتين، معربة عن أمنياتها بتحقيق الفوز والتأهل، وذلك خلال تقديمها برنامج «كلام الناس» على قناة MBC مصر.
يارب العالمين انصرنا على الأرجنتين
وقالت ياسمين عز: «يارب العالمين انصرنا على الأرجنتين، اللهم شتت تفكيرهم أمام المصريين، يا مسبب الأقدار ارزقهم بعددهم إنذار، اللهم اجعل مرمى شوبير سدا منيعا وسور لا يخترق وحصنا لا ينهار».
واختتمت دعاءها بالتعبير عن أمنياتها بأن يواصل منتخب مصر مشواره في البطولة، وسط حالة من التفاؤل والدعم الجماهيري قبل المواجهة المرتقبة أمام المنتخب الأرجنتيني.
وعلقت الإعلامية ياسمين عز على إعلان إحدى شركات العقارات منح كل لاعب في منتخب مصر شاليه على البحر بعد الفوز على أستراليا والصعود التاريخي إلى دور الـ16، مؤكدة أن لاعبي المنتخب يستحقون هذا التكريم.
شاليه على البحر لكل لاعب
وخلال تقديمها برنامج «كلام الناس» على قناة MBC مصر، قالت: «في شركة عقارات قررت تدي كل لاعب من رجالة منتخب مصر شاليه على البحر لكل لاعب بعد الفوز على أستراليا والصعود التاريخي لدور الـ16... بصراحة لاعيبتنا تستاهل، هي دي الهدايا والا بلاش، هو دا فن اختيار الهدايا».
هدية حته من البحر نفسه إيجار قديم
وأضافت: «لو صعدنا لدور الـ8 الشاليهات اللي على البحر تبقى فيلل، ومش على البحر بقى تبقى جوه البحر، ولو صعدنا قبل النهائي ياخدوا هدية حته من البحر نفسه إيجار قديم مدى الحياة».
وتابعت: «لاعيبتنا فرحونا ويستاهلوا نفرحهم، المصريين والاعيبة بيفرحونا ويستاهلوا نفرحهم، أي حد يفرحنا الشعب كله يشيله فوق راسه، انتوا بس شدوا حيلكم وهتلاقوا هدايا فدادين قطن، انتوا بس اكسبوا ميسي لو كسبتوا ميسي انتو مش فاهمين اي اللي هيحصل».
وخلال تقديمها برنامج «كلام الناس» على قناة MBC مصر، أضافت: «لو هنقول الحق محمد هاني من أفضل 5 لاعيبة في كأس العالم، عمل كل اللي عليه في الملعب، يمين وشمال، وعادي جدا إن حظه متوفقش المرادي هو محسود عادي كلنا بنتحسد اي المشكلة بتحصل».
خلينا نفرح الراجل في مهمة وطنية
وتابعت: «اي المشكلة لما بالغلط جاب جون في نفسه ونكسب، والله يا كابتن هاني لو كل مرة هتجيب جون في نفسك ونكسب يبقى هات وميهمكش، مش كسبنا؟ خلال مننكدش بقى على الراجل وعلى نفسنا، انت مكانه في الملعب؟، يا حماعة عليه ضغط عالي ممكن عينه زغللت أو ضغوطات والكورة حطها جوه بالغلط، عيب يا جماعة خلينا نفرح الراجل في مهمة وطنية عيب نحترم ذاتنا».
