ياسمين عز: لو كل مرة هتجيب جون في نفسك ونكسب هات وميهمكش
علقت الإعلامية ياسمين عز على السخرية من اللاعب محمد هاني بعد ما جاب جول في نفسه، قائلة: «خلصتوا كل إيفهاتكم على محمد هاني يا جماعة؟، قولتوا إنه جاب جول فينا، أحب اقولكم إنها إيفيهات مبتضحكش دمها تقيل».
محمد هاني من أفضل 5 لاعيبة
وخلال تقديمها برنامج «كلام الناس» على قناة MBC مصر، أضافت: «لو هنقول الحق محمد هاني من أفضل 5 لاعيبة في كأس العالم، عمل كل اللي عليه في الملعب، يمين وشمال، وعادي جدا إن حظه متوفقش المرادي هو محسود عادي كلنا بنتحسد اي المشكلة بتحصل».
خلينا نفرح الراجل في مهمة وطنية
وتابعت: «اي المشكلة لما بالغلط جاب جون في نفسه ونكسب، والله يا كابتن هاني لو كل مرة هتجيب جون في نفسك ونكسب يبقى هات وميهمكش، مش كسبنا؟ خلال مننكدش بقى على الراجل وعلى نفسنا، انت مكانه في الملعب؟، يا حماعة عليه ضغط عالي ممكن عينه زغللت أو ضغوطات والكورة حطها جوه بالغلط، عيب يا جماعة خلينا نفرح الراجل في مهمة وطنية عيب نحترم ذاتنا».
وقالت الإعلامية ياسمين عز بعد فوز منتخب مصر على أستراليا: «الرجالة كائنات غلبانة جدا والله ومتعاطفة معاكم طول الوقت بشوفكم ملاك على الأرض.. بس انتو بتفرحوا من قبلكم اوي.. احنا كبنات مش بنفرح الفرحة دي.. امبارح كنت فرحانة لمصر وفرحانة من بعد مصر للرجالة.. انتو نسيتوا نفسكم وأشغالكم وتعبكم».
فرحة المصريين غير أي فرحة
وخلال تقديمها برنامج «كلام الناس» على قناة MBC مصر، أضافت: «شفت الراجل بتاع الديليفري اللي شالوه بالموتوسيكل بالأوردر بتاعه.. شوفت الجمال وراحوا بردو موقفين دليفري وحضنوه، احنا مفيش زينا، آخر عسل وسكر وحلاوة، كل حاجة بنعملها، بنفوت في الحديد».
واختتمت حديثها قائلة: «نمت امبارح كطفلة بريئة مطمنة على فرحة مصر».
لا صوت يعلو فوق صوت منتخب مصر
وعلقت الإعلامية ياسمين عز على فوز منتخب مصر على أستراليا، مؤكدة بحماس: «لا صوت يعلو فوق صوت منتخب مصر، فوز مصر على أستراليا، اكتب يا تاريخ عندك مصر صعدت لدور الـ16 في كاس العالم، مصر من أفضل 16 منتخب في العالم».
خطة منتخب مصر
وخلال تقديمها برنامج «كلام الناس» على قناة MBC مصر، أضافت بأسلوبها المعتاد: «أستراليا كانت بتدافع قدامنا وعمالة تشعلق الكورة في الهوا لكن لاعيبة المنتخب نفذت خطة سيبناهم ينطوا لفوق وعدينا احنا من تحت وكسبنا».
أستراليا جابت الجول ونامت عليه
وتابعت: «هو دا إمام عاشور بتاعنا اللي جاب الجول، أستراليا جابت الجول ونامت عليه وقعدت تدافع، لاعبي المنتخب أعصابهم حديد، اي الجمال دا، السنة الجاية مش هنقبل بأقل من دوري أبطال إفريقيا، الاعيبة كلها كانت رجالة».
