ياسمين عز عن واقعة الطفل الذي توفى في سيارة: إزاي أم معرفش ابني فين 3 ساعات؟
قالت الإعلامية ياسمين عز، خلال حلقة اليوم من برنامج «كلام الناس» المذاع عبر شاشة إم بي ي مصر: «هل إحنا بنخلص من النكد مستحيل.. عندنا كم من الحزن مش ممكن».
وأضافت: «في أب نسي ابنه اللي عنده 3سنين في العربية لمدة سبع ساعات لحد ما الطفل مات قصة حزينة جدا.. اللي حصل إن الأب سهر علشان يشوف ماتش مصر ونيوزيلندا والصبح خد ابنه يوصله الحضانة.. الأب راح شغله وركن العربية وقفلها على ابنه اللي نايم!! أنا مش فاهمه نسيته ماشي بس إزاي عينك ملحمتش الطفل اللي نايم».
وتابعت: «الطفل فضل كده لحد ما أمه سألت أبوه عليه وفجأة افتكر ونزل جري لقاه توفى في العربية بدل ما يروح الحضانة ويلعب.. كان نفسي أكون قاسية على الأب والأم لكن هما فاقدين ابنهم وقلبهم واجعهم على الابن».
وواصلت: «التقرير الطبي إن الطفل وصل ميت هو مات بسبب درجة الحرارة المرتفعة لفترة طويلة.. مفيش حاجه تخلي شخص ينسى ابنه.. ورأيي الشخصي إني لأول مرة أسمع أن اب نسي ابنه هي العربية كلها قد إيه إزاي بجد أي راجل بيبص على العربية».
وأردفت: «عندي سؤال مهم جدا للأم ليه استنى الحضانة تبلغني إن الطفل راح.. ليه متأكدش إنه وصل يعني لو كلمت الحضانة كانت هتعرف بدري وتقول لأبوه ونلحقه.. لكن إزاي ابقى أم ٣ ساعات مش عارفه ابني فين».
وفي سياق أخر، قالت الإعلامية ياسمين عز: «التيك توك زي ما هو برنامج مفيد ومسلي لكن هو خطير ولادكم بيطلعلهم حاجات غريبة وبيتفرجوا على حاجات غريبة من يومين بعمل كده نزلت لي حاجه قليلة الادب خالص معرفش ظهرت منين وأنا كل موبايلي مؤدب».
وأضافت، خلال حلقة اليوم من برنامج «كلام الناس» المذاع عبر شاشة إم بي سي مصر: «منسيبش الحاجات للأطفال.. لأن الحاجات دي لا تتناسب معاهم.. أنا الكبيره اتخضيت ما بالك الطفل.. وبعدين ده هيملهم تعفن دماغي».
وتابعت: « ده مش بيحصل في العالم في الصين مفيش حاجة اسمها تيك توك عندهم في تطبيق طبق الأصل اسمه دوين مملوك في نفس الشركه عنده 600 مليون مستخدم لكن هو للأطفال ومش بيعرض للأطفال نفس المحتوى اللي بيتعرض بره الصين وهو بيعرض محتوى وطني وثقافي وتاريخي في توقف إجباري خمس ثواني بين كل فيديو والتاني وده ضد الأعلانات لكن الحكومة مصرة على ده علشان نستعيد وعي الطفل والتطبيق بيفصل بعد ٤٠ دقيقة إجباري علشان منفضلش طول اليوم ماسكين الموبايل».
