ياسمين عز:البلند حرام والبلاشر حرام ومتركزيش على فسافيس الأمور
قالت الإعلامية ياسمين عز: «التيك توك زي ما هو برنامج مفيد ومسلي لكن هو خطير ولادكم بيطلعلهم حاجات غريبة وبيتفرجوا على حاجات غريبة من يومين بعمل كده نزلت لي حاجه قليلة الادب خالص معرفش ظهرت منين وأنا كل موبايلي مؤدب».
وأضافت، خلال حلقة اليوم من برنامج «كلام الناس» المذاع عبر شاشة إم بي سي مصر: «منسيبش الحاجات للأطفال.. لأن الحاجات دي لا تتناسب معاهم.. أنا الكبيره اتخضيت ما بالك الطفل.. وبعدين ده هيملهم تعفن دماغي».
وتابعت: « ده مش بيحصل في العالم في الصين مفيش حاجة اسمها تيك توك عندهم في تطبيق طبق الأصل اسمه دوين مملوك في نفس الشركه عنده 600 مليون مستخدم لكن هو للأطفال ومش بيعرض للأطفال نفس المحتوى اللي بيتعرض بره الصين وهو بيعرض محتوى وطني وثقافي وتاريخي في توقف إجباري خمس ثواني بين كل فيديو والتاني وده ضد الأعلانات لكن الحكومة مصرة على ده علشان نستعيد وعي الطفل والتطبيق بيفصل بعد ٤٠ دقيقة إجباري علشان منفضلش طول اليوم ماسكين الموبايل».
ياسمين عز: «ركزوا في المحتوى بتاعي يا جماعة ومتجيش واحدة تقولي الأيلاينر مش مظبوط أو أعملي بلند للبلاشر.. البلند حرام والبلاشر حرام.. يا جماعة نركز على المحتوى مش فسافيس الأمور.. يعني بتعملي معايا كدا ومتعرفنيش أمال بتعملي إيه مع جوزك متركزيش على فسافيس الراجل»
وفي سياق سابق، قالت الإعلامية ياسمين عز: «جرا إيه يا أمريكا محدش قادر عليكم لا إيه؟ أومال لو بتنافسوا على كأس العالم كنتوا حبستوا ميسي وامبابي وكرستيانو ورحلتوا مو صلاح فين كرم الضيافة، يعني إيه منتخبات تتفتش 11 ساعة في إيه هما مش مقدمين على شغل في البيت الأبيض».
وأضافت، خلال حلقة اليوم من برنامج«كلام الناس» المذاع عبر شاشة أم بي سي مصر: «الكاب بتاع صلاح بقا.. هو واقف على السلم والشمس في قفاه وهو متربي بره معندوش شمس وراح أمريكا حر زمهرير وهو قالبه علشان قفاه وهو قاله اقلعه علشان نتصور لكن هو معملش كدا زي ما أنت بتقول حاضر ومتعملش».
وتابع: «وبعدين لما مقلعهوش وحسام حسن بصله إداله النظرة بتاعته اللي بيديها لللحارس قبل ما يجيب الجونب.. عادي هو بيحفظ هالته هو عنده حبل أفكار وبنات أفكار وبيكبس على أفكاره علشان محدش يسرق منه فكرة.. كده بيحط حدود ياريت متعملش قصه من مفيش».
ياسمين عز عن زي المنتخب: «كان في بنطلون مشلوح بس مش مهم قمر.. هنعمل إيه لازم نقضي باللي معانا علشان مثلا واحد زي فتوح طوله 2 متر ونص هتجيبله بنطلون منين مش هتلحق تفصله»
