ياسمين عز عن زيزو: كويس إنه مسرحش شعره في نص الملعب

قالت الإعلامية ياسمين عز: «بمناسبه المنتخب عندي سؤال هو إحنا ليه جايين على إبننا زيزو جامد كدا.. إيه يعني ضيع كورة والجول فاضي.. إيه المشكلة رقص حارس المرمى وضيع كورة.. خلينا نبص لنص كوباية المليانة الحمد لله أنه موقفش في نص الملعب يسرح شعره قضاء أخف من قضاء».

وأضافت، خلال حلقة اليوم من برنامج «كلام الناس» المذاع عبر شاشة إم بي سي مصر:«هو إمتى كان في لاعب عندنا رقص حارس مرمى في كأس العالم طب كام لاعب عندنا رقص حارس المرمى ومجابش جول أكيد أقل بكتير من اللي رقص وجاب جول»

وتابعت: «واحد نزل لقى لعيبه نيوزيلندا أقصر واحد فيهم 2 متر ونص اتخض وكشر مش كسبنا واخدنا 3 نقط بطلوا تلاكيك وسيبوا زيزو بلاش تبقوا أساتذه في اغتيال معنويات ولادنا يا وحشين»

وفي سياق سابق، قالت الإعلامية ياسمين عز: «جرا إيه يا أمريكا محدش قادر عليكم لا إيه؟ أومال لو بتنافسوا على كأس العالم كنتوا حبستوا ميسي وامبابي وكرستيانو ورحلتوا مو صلاح فين كرم الضيافة، يعني إيه منتخبات تتفتش 11 ساعة في إيه هما مش مقدمين على شغل في البيت الأبيض».

وأضافت، خلال حلقة اليوم من برنامج«كلام الناس» المذاع عبر شاشة أم بي سي مصر: «الكاب بتاع صلاح بقا.. هو واقف على السلم والشمس في قفاه وهو متربي بره معندوش شمس وراح أمريكا حر زمهرير وهو قالبه علشان قفاه وهو قاله اقلعه علشان نتصور لكن هو معملش كدا زي ما أنت بتقول حاضر ومتعملش».

وتابع: «وبعدين لما مقلعهوش وحسام حسن بصله إداله النظرة بتاعته اللي بيديها لللحارس قبل ما يجيب الجونب.. عادي هو بيحفظ هالته هو عنده حبل أفكار وبنات أفكار وبيكبس على أفكاره علشان محدش يسرق منه فكرة.. كده بيحط حدود ياريت متعملش قصه من مفيش».

ياسمين عز عن زي المنتخب: «كان في بنطلون مشلوح بس مش مهم قمر.. هنعمل إيه لازم نقضي باللي معانا علشان مثلا واحد زي فتوح طوله 2 متر ونص هتجيبله بنطلون منين مش هتلحق تفصله»

وفي وقت سابق، قالت الإعلامية ياسمين عز:«كل فترة يظهر عندنا فيروس، لأن البشرية عايشة أصلا عايزة تنتهي، بس إحنا بنقاوح ومتشبثين بالحياة، وكل شوية ييجي فيروس، بس إحنا متشبثين كويس.. الفيروس الجديد إيبولا وربنا يجعل كلامنا خفيف عليهم هيخلينا هنعمل تسجيل ومتابعة لكل اللي جايين من برة ونعمل فحص ونحطهم 21 يوم تحت الملاحظة وربنا يستر».

وأضافت، خلال حلقة اليوم من برنامج كلام الناس المذاع عبر شاشة إم بي سي مصر: «تعليق صغير لأي حد جاي من المطار منلزقش فيه ما نحضنهوش، ممكن نسلم من بعيد لحد ما نشوف الفيروس رايح فين».