ياسمين عز: الذهب رخص هات لخطيبتك حلقين تحطهم في ودنها بدل كلامك
قالت الإعلامية ياسمين عز، خلال حلقة اليوم من برنامج «كلام الناس» المذاع عبر شاشة إم بي سي مصر: «مش مصدقه نفسي وانا بقول ان الذهب رخص.. انهيار نسبي لسعر الذهب وهو بيخسر وبيقل جدا وأنا مش مصدقة انخفاض 25% في سعر الذهب»
وأضافت: «اللي عنده خطيبه يقدر دلوقتي يجيب لها شويه جنيهات ذهب ولا حلقين حمصة او سلسلة ما شاء الله.. بدل ما تقولها حطي كلامي حلقة في ودنك هاتلها حلق حقيقي حطه في ودنها».
وتابعت: «أنا خبيرة طبعا في الذهب والألماظ هقولك تعملي إيه الذهب.. أكيد مش هنبيع يعني مبعناش وهو غالي هنبيع وهو رخيص.. الذهب زينة وخزينة بنخبية سواء رخص أو غلي».
وأردفت: «كل اللي كانوا عايزين يتخطبوا أو يتجوزوا وكان بيقول لها الذهب غالي أهو فرصتك روح هات شبكة وأخطب».
وتطرقت للحديث عن أسعار الفراخ، وقالت: «الفراخ كمان رخصت حاسه إن أنا بحلم.. الواحد بيخاف يفرح.. لكن الفراخ اسعارها انخفضت بشكل كبير.. كويسه إن الأسعار بتنزل يارب كمان اللحمة تنزل علشان لو الفراخ قلت اللحمة هتعلى لازم يكون في ذكاء و ومنقطعش حاجة فجأة.. دلوقتي فرصتك تتجوزي جزار الجزار دلوقتي ملياردير لأن اللحمة غالية لسا هتغلى تاني».
وفي سياق مصل، قالت الإعلامية ياسمين عز: «التيك توك زي ما هو برنامج مفيد ومسلي لكن هو خطير ولادكم بيطلعلهم حاجات غريبة وبيتفرجوا على حاجات غريبة من يومين بعمل كده نزلت لي حاجه قليلة الادب خالص معرفش ظهرت منين وأنا كل موبايلي مؤدب».
وأضافت، خلال حلقة اليوم من برنامج «كلام الناس» المذاع عبر شاشة إم بي سي مصر: «منسيبش الحاجات للأطفال.. لأن الحاجات دي لا تتناسب معاهم.. أنا الكبيره اتخضيت ما بالك الطفل.. وبعدين ده هيملهم تعفن دماغي».
وتابعت: « ده مش بيحصل في العالم في الصين مفيش حاجة اسمها تيك توك عندهم في تطبيق طبق الأصل اسمه دوين مملوك في نفس الشركه عنده 600 مليون مستخدم لكن هو للأطفال ومش بيعرض للأطفال نفس المحتوى اللي بيتعرض بره الصين وهو بيعرض محتوى وطني وثقافي وتاريخي في توقف إجباري خمس ثواني بين كل فيديو والتاني وده ضد الأعلانات لكن الحكومة مصرة على ده علشان نستعيد وعي الطفل والتطبيق بيفصل بعد ٤٠ دقيقة إجباري علشان منفضلش طول اليوم ماسكين الموبايل».
