مديحة البكري: كواليس العمل مع عادل إمام ممتعة.. وكان مسميني الرزلة

كشفت الفنانة مديحة البكري، عن كواليس العمل مع الفنان عادل إمام في مسلسل العراف، قائلة: «كواليس العمل معاه كانت جملية جدا وكان طول الوقت بيحاول يستفزني علشان يطلع أحسن حاجة في المشهد».

عادل إمام كان مسميني الرزلة لأني كنت برخم عليه

وأضافت، خلال استضافتها في برنامج «قعدة ستات» المذاع عبر شاشة ألفا، مع الإعلامية مروة صبري: «عادل إمام كان مسميني الرزلة لأني كنت برخم عليه كتير جدا لكن كان بهزر يعني».

أنا والله لما بشوف ناس بتتجوز بقول هما لسا فيهم نفس

وخلال الحلقة، أكدت أنها لم تفكر في الزواج مرة أخرى على الإطلاق، مضيفة: «أنا والله لما بشوف ناس بتتجوز بقول هما لسا فيهم نفس.. بقا في مشكلة في الجواز والناس الكويسة خلصت من السوق وبين كل عشر جوازات هتلاقي واحدة بس اللي كويسة ومكملة والطلاق في الفترة دي سريع جدا جدا».

الطلاق سهل عند الأجيال الجديدة

وتابعت: «الطلاق سهل عند الأجيال الجديدة علشان زمان كان الراجل بيتعب علشان يجيب كل حاجة في الجواز ومش بيقدر يفرط في تعبه.. لكن حاليا بقا في بابا وماما بيجيبوا الشبكة والمهر والشقة وده بيخلي الطرفين مش حاسين بتعب علشان كدا هدم البيت عندهم أسهل بكتير».

أبرز أعمال الفنانة مديحة البكري

ويذكر أن الفنانة مديحة البكري، شاركت في عدة أعمال درامية وسينمائية كثيرة، أبرزهم مسلسل الأسطورة مع النجم محمد رمضان، ومسلسل العراف مع الزعيم عادل إمام، ومسلسل جعفر العمدة.