نبيل نعيم: الإخوان كانوا يفكرون في إعلان حكومة موازية من داخل رابعة لكن فشلوا

أكد نبيل نعيم القيادي السابق في تنظيم القاعدة وجماعة الجهاد، واحد أفراد مجموعة اغتيال الرئيس السادات، أن جماعة الإخوان المسلمين كانوا يفركون في إعلان حكومة موازية من داخل رابعة ويعترف بهم الاتحاد الأوروبي لكنهم فشلوا في ذلك.

وأضاف، خلال استضافته في برنامج «كل الكلام» المذاع عبر شاشة الشمس مع الإعلامي عمرو حافظ: «الإخوان مشكلتهم إنهم كدابين.. الكدب ده هيجي وقت وهيتكشف، يعني هما قالوا اللي مات في رابعة حوالي 7000 وكل اللي ماتوا أصلا كانوا 70 تقريبا ومنهم 11 أمن وده كلام موثوق من الدكتورة اللي طلعت تصاريح الدفن».

وفي سياق متصل، أكد نبيل نعيم أحد أعضاء الجماعة التي خططت لاغتيال الرئيس الراحل أنور السادات، أنه نادم على هذا القرار، مشيرا إلى أن هذه الخطوة ليست صحيحة على الإطلاق.

وأضاف، خلال تصريحات تلفزيونية: «اغتيال السادات مكانش قرار صح.. لكن وقتها كان عندي 27 سنع وكان تفكيري غير دلوقتي وأنا داخل على الـ 70 سنة. ده تفكير غلط والله يرحمه ويحسن إليه لكن هي كانت خطوة غلط سياسيا وكل حاجة».

 وتابع: «لما قلت قبل كدا أنا مش ندمان على قتل السادات كان عند بس لأن المذيع كان عايز يبكيني بقا علشان كدا إجابتي كانت عند.. لكن في الواقع أنا ندمان لأني كبرت وقيمت السادات وهو كان راجل حكيم وكل حاجة فيه كانت كويسة».

وأشار إلى معاهدة السلام تركت علامة استفهام عند ضباط الجيش، قائلا: «فكروا إن هو كان بيضحك عليهم في موضوع الحرب.. وكان عندهم رأي إنه مينفعش يروح إسرائيل والمفروض هما اللي يجيوا لمصر.. يعني أنت زعيم أكبر دولة عربية وتروح إسرائيل».

كما كشف عن مفاجأة، وهي أن إسرائيل بعد حرب 1967 عرضت على الزعيم جمال عبدالناصر الانسحاب من سيناء مقابل السلام، لكنه رفض وقال كلمته الشهيرة «ما أخذ بالقوة لا يسترد إلا بالقوة».