ياسمين عز تشيد بـ7DOGS: كسر واحرق ميهمكش معانا إنتاج ضخم
أشادت الإعلامية ياسمين عز بفيلم «7DOGS»، قائلة: «في العيد نزل فيلم 7 دوجز وكل اللي راح اتفرج عليه أكيد استمتع، في افلام حلوه.. في أفلام عظيمة وفي أفلام تخطت حدود العظمة وهتغير شكل صناعة السينما وهتصعب المنافسة جدا زي فيلم 7 دوجز، هو فيلم حلو وعظيم وهيغير صناعة السينما وانتاج ضخم جدا وهو حقق في أيام قيله أعلى ايرادات في شباك التذاكر المصري في مصر».
شات جي بي تي الرغاي بيقول 7 دوجز الأعلى مبيعا
وأضافت، خلال حلقة اليوم من برنامج «كلام الناس» المذاع عبر شاشة ام بي سي مصر: «عارفة الدولار بقى بكام النهارده يا شيماء مستوعبه الرقم والفيلم حقق ايرادات عالية جدا.. النهارده لما بنسال شات جي بي تي الرغاي إيه الفيلم الأعلى مبيعا يرد زي الألف يقولك 7 دوجز مش بيدي الاختيارات أصلا».
وتابعت: «عمرك تخيلت تبقى قاعد ويجي لك مونيكا بلوتشي في فيلم عربي وعمرك شفت الهندي سلمان خان في فيلم عربي أهو جالك لحد عندك وأنت قاعد في السينما والنجم والفنان السعودي ناصر القصبي بيقدم دور هايل وكريم عبد العزيز وأحمد عز طبعا دول النجوم الكبار بتوعنا مش محتاجه أقول حاجه عنهم».
وأردفت: «أنا بفهم في الصورة والأفلام والأخراج بفهم شويه يعني فأنا بنصحك تدخل الفيلم ده ده فيلم معمول بمواصفات عالمية.. هو اسطورة مبهرة وأول حاجه بتشدك الصورة أصلا».
إنتاج ضخم وفيلم يليق بالصناعة
وواصلت: «الإنتاج ضخم كسر واحرق ميهمكش معانا إنتاج جامد الفيلم الجامد تعرفه لما تكون قاعد على الكرسي في السينما جهازك العصبي مترقب بمتعه مش على بعضك والادرينالين عالي بمتعة.. الله يعين الافلام الأكشن اللي هتتعمل بعد كده لأن المناسبه بقت عالية جدا ومعالي المستشار تركي الشيخ لهذا الإنتاج المحترم وهي دي الصناعة والسينما اللي إحنا كنا محتاجينها وهو ده الشغل العالمي اللي يليق بالنجوم الكبار».
واختتمت:«اتوقع إن الفيلم ده هيعدي أضعاف الأرباح اللي حققها وإنتم عارفين توقعاتي مبتنزلش الأرض أبدا وأخر يوم الأسبوع الجاي هقول لكم الفيلم وصل لفين».
