في "كلام الناس".. محامي ضحية مدير الإدارة التعليمية يكشف مفاجآت عن الواقعة
كشف المستشار عابدين مسعد محامي للسيدة فاطمة، صاحبة فيديو الابتزاز من مدير أحد الديريات التعليمية عن حقيقة الواقعة: «الست طلبت تنقل بنتها علشان هي منفصلة عن زوجها وعايشة في الإسكندرية، وكان الموضوع بيتأخر وقالت للمدير أنا بتعب من المواصلات علشان أنا من أسكندرية لبنها، وهو قالها إنها مش هتنقل غير في شهر 7 علشان التقييمات».
وأضاف، خلال مداخلة هاتفية له في برنامج «كلام الناس» المذاع عبر شاشة ام بي سي مصر مع الإعلامية ياسمين عز: «هي طلعت الإدارة التعليمية علشان تقدم شكوى قابلت الشخص ده، وقالها أنا هكلم مدير المدرسة وطلب منها إنها تمشي العربية اللي كانت معاها وقالها لسا بدري وهترفي تروحي إسكندرية، وطالع وراها ووراها البطاقة بتاعته وقالها أنا مدير الإداره في الثلاث أدوار وعربيتي تعالي اقعدي عندنا إقامه بدل ما تسافرين وهي قالت له لا لما حسيت إن السلوك مشين في تاريخ3/5/2026».
وتابع:« في ١١/٥ كانت البنت عندها امتحان دين وبعدين طلعت علشان تعمل التماس علشان تنقل البنت وبعدت عن الشخص ده ودخلت لموظفة وهو وراها وسلم عليها وخلى الموظفة تمشي وقال لها أنت مجتيش ليه تاني ولما عاد التصرف صورته فيديو مدته٦ دقائق علشان تاخد حقها وهي منشرتش وإحنا منعرفش اللي نشر وإحنا رحنا سلمنا الفيديو في الوزارة وفي حد سرب الفيديو وهو بيتفحص والتحقيق شغال».
وأردف: «هي وضعها مجني عليه والبنت لسا متنقلتش حتى الآن والنيابة محترمة جدا ومكتب للنائب العام يتابع القضية هو هيتحقق هو إزاي رفض ينقل طفلة من بنها للإسكندريه وإحنا شعب مصري شرقي وعندنا رحمه بالمطلقات».
بلاغ بالتصوير
وأكد أن المدير لم يقدم بلاغ بالتصوير دون إذن، لوم يتوجه أي اتهام، لافتا إلى أنه حاليا مقبوض عليه.
وواصل: «حاليا هي نفسيا مدمرة لكنها بتقوى لأنها بتحاول تاخد حقها بالقانون ورفضت الصلح والتنازل.. الجهات المختصه تتولى التحقيق في تسريب الفيديو».
ومن جابنها قالت الإعلامية ياسمين عز: «كلام الناس عن فيديو في مديرية التربية والتعليم في القليوبية ومدير التعليم الإعدادي في نفس المحافظة كان في مساومة بينهم إنها تقابله في البيت ساعتين ثلاثه علشان يخلص لها خدمه كانت عايزاها وفي رواية بتقول إن السيدة عندها خدمة إنها تنقل بنتها ورواية أخرى بتقول إن الطالبة ساقطة في مادة والأم عايزة تعمل لها استثناء وتنجحها وتشيل الملحق أو الدور الثاني».
