ياسمين عزعن فيديو ابتزاز سيدة: إزاي دي تكون سلوكيات مدير بيتعامل مع سيدات
قالت الإعلامية ياسمين عز: «يا رب تكونوا قضيتوا عيد جميل مليء بالفته والصلصة واللحمة.. كلام الناس فيديو في مديرية التربية والتعليم في القليوبية ومدير التعليم الإعدادي في نفس المحافظة كان في مساومة بينهم إنها تقابله في البيت ساعتين ثلاثه علشان يخلص لها خدمه كانت عايزاها وفي رواية بتقول إن السيدة عندها خدمة إنها تنقل بنتها ورواية أخرى بتقول إن الطالبة ساقطة في مادة والأم عايزة تعمل لها استثناء وتنجحها وتشيل الملحق أو الدور الثاني».
وأضافت، خلال حلقة اليوم من برنامج «كلام الناس» المذاع عبر شاشة أم بي سي مصر: «لكن عايزة أقول إزاي مسؤول اللي المفروض رمز التربية والتعليم بيقول لها تعالي اقابلك واللي بحكيه مش مسلسل ولا فيلم دي حقيقة مرة والواقع كانت من أكثر من 10 أيام لكن الفيديو انتشر امبارح لكن هي صورته بساعه الذكية خلي بالكوا الساعات بتصور وأنا أول مرة اعرف كده».
وتابعت:« إزاي دي تكون سلوكيات مسؤول بيتعامل كل يوم مع أولياء الأمور اللي منهم ستات لا اغلبهم 99.9 % منهم ستات.. إزاي ميكونش في ضوابط للشخص ده لازم نحط ضوابط أو نحط مديرات ستات يعني».
وفي وقت سابق، علقت الإعلامية ياسمين عز، على واقعة قطع الكهرباء عن منزل سفير بلجيكا في مصر، بمنطقة العمرانية، بغرض السرقة، قائلة: «فيه حرامي اتسبب في قطع النور 3 ساعات عن بيت السفير البلجيكي في العمرانية، كان هيعملنا أزمة دبلوماسية بسبب سرقة أسلاك الكهرباء».
وأضافت ياسمين عز، خلال برنامج «كلام الناس» المذاع على قناة إم بي سي مصر، «اللي لفت نظري هو ليه سفير بلجيكا قاعد عندنا في العمرانية ليه مش في حتة تانية».
وتساءلت ياسمين عز، قائلة: «هل السفير عنده قرايب في العمرانية أو عايز ياكل مكرونة انسجام، بالنسبة للحرامي أنت صغرتنا قدام الأجانب ومش سارق حاجة كبيرة، وبعدين كان ممكن تتكهرب يعني سرقة وفضيحة».
ليه نعاقب المواطن على مخالفة معملهاش
وفي سياق آخر، علقت الإعلامية ياسمين عز على أزمة العدادات الكودية التي تصدرت حديث الناس عبر وسائل التواصل الاجتماعي في الأونة الأخيرة، قائلة: « ناس كتير بتشتكي أنه فاتورة الكهربا بتزيد عليهم وهتزيد أكتر عشان الصيف والحر اللي داخل علينا والحكومة قررت أنه كل العدادات الكودية تتحاسب بسعر أعلى شريحة».
وأضافت ياسمين عز، خلال برنامج «كلام الناس» المذاع على قناة إم بي سي مصر، « واللي بيتحاسب في كل الموضوع ده هم السكان والمواطنين العاديين وليسوا أصحاب العقارات نفسهم، ف ليه نعاقب المواطن على مخالفة معملهاش ويجي يتصالح يلاقي الإجراءات صعبة»، متابعة: «وصاحب العمارة اللي عمل المخالفة كسب ومشي».
