محامية نخنوخ لياسمين عز: الصراع على فيلا ملك ورثه ولا يوجد قضايا أخرى عليه
قالت الإعلامية ياسمين عز: «من يومين تم القبض على رجل الأعمال صبري نخنوخ وعدد من رجاله ومرافقيه بعد خناقه في أحد معارض السيارات في القاهرة الجديدة وفي رواية بتقول إن صاحب المعرض اتهمهم إنهم تعدوا عليه وتسببوا في تلفيات في المعرض وبعد التحريات الشرطة قبضت على صبري نخنوخ ومتهمين معاه ويقال إبن اخوه ورجل أعمال اسمه أحمد الحداد وتم تجديد حبسهم 15 يوم على زمة التحقيق..والاخبار بتقول إن الخناقه كانت على فيلا بـ 50 مليون جنية باعها صبري نخنوخ لصاحب المعرض وخد منهم 20 لما ماطلوا في سداد الـ30 راحوا يطالبوا بباقي فلوسهم».
ومن جابنها أوضحت المحامية أمل العربي محامية الأستاذ صبري نخنوخ الحقيقة، خلال مداخلة هاتفية لها في برنامج «كلام الناس» المذاع عبر شاشة ام بي سي مصر: «صبري هو اللي مشتري الفيلا وده مش أول تعامل بينهم وفي تعامل سابق وفي تبديل عربيات وفيليتين في الساحل والفيلا دي هو أخذ العربيتين والفلوس كاش والفيلا كانت ملك ورثه وهو مكانش يعرف ده من البداية واتفاجئ لما طلب تسليم أوراق الملكيه وقاله إن الورثه ليهم فلوس واديني فلوس أو أصبر عليا بعدين مكانش بيرد على التليفون وبيكلمه يقفل في وشه وأستاذ احمد الحداد تدخل كونه عنده معرض عربيات هو كمان وقال إن هو هيقعدهم مع بعض ويحاول يحل».
وتابع: «المفروض إن هم كانوا رايحين علشان كده لكن هو لما راحوا مكانش موجود ودخولهم للمعرض مقعدش ثلاث دقائق مفيش أي حاجة بتثبت وجود أفعال بلطجه في الفيديوهات ومفيش تقارير طبية إن حد تم الاعتداء عليه ومفيش حاجه بتثبت إدانه».
وعن صفح أحد المحاميين، قالت: «هو بالفعل في محامي قدم بلاغ وعمل محضر وده حصل بالفعل ومتمش التصالح والتحقيقات شغالة»
وأردفت: «صبري نخنوخ معروف ومش أول ظهور ليه برجال الامن بتوعه وهم بيكونوا معاه في أي وقت والعدد مش كبير لكن الإعلام وداها لحتة تانية عكس الحقيقة وهي مكانتش خناقة خالص».
وعن شائعة وجود 50 قضية على رجل الأعمال صبري نخنوخ ، قالت: «مفيش أي قضايا ظهرت لأن لو ده حصل هيتم عرضه على النيابة وكنا هنعرف كفريق دفاع لكن الكلام اللي بيتقال إن هم لقوا قضايا أخرى عليه مش حقيقي».
واختتمت: «حقيقي اللي ببيكتب على السوشيال ميديا أنت مش بتحسب على الكلام اللي بتقوله كل واحد عايز يقول حاجه بيقولها الناس دي ليها سمعتها ومحترمة في الدولة وبيتضرروا هما بيتأذوا وأهاليهم كمان».
