فسخت الخطوبة على الهوا.. لحظة المواجهة بين إيمان وخطيبها ووالدته

استضافت الإعلامية رضوى الشربيني في برنامجها “هي وبس" حالة نقاش بين أحمد الديب وخطيبته إيمان، ووالدته السيدة منى محمد، حول ترتيبات المعيشة والخصوصية بعد الزواج.

أحمد ابني كان أقرب واحد ليا بعد والده

وقالت والدة أحمد: "أحمد ابني كان أقرب واحد ليا بعد والده، وأنا مش عايزة أخسره ولا هو يبعد عني"، وأضافت: "أنا مش فاهمة يعني هعمل إيه؟ ده ابني، وأنا مش عايزة أبدل مكان حد ولا أستغنى عنه".

في المقابل، أوضحت رضوى الشربيني: "إيمان عايزة يبقى عندها خصوصية بعد إذنكم"، وردت والدة أحمد قائلة: ابني ده نور عيني وقلبي، ده ابني، حرام عليكي".

فيما لفتت والدة أحمد:"أنا عندي حل.. ناخد شقة 3 غرف، وأنا ليا أوضة، وهي ليها أوضتين، أو يتم تقسيم الشقة بطريقة تضمن الخصوصية لكل طرف".

واقترحت رضوى الشربيني: "الشقة اللي 3 غرف ممكن تتقسم بشكل مناسب، واحدة ليها وواحدة ليكم، وكل واحد يبقى ليه خصوصيته".

وفي المقابل قالت إيمان: "أنا مش موافقة على كده، أنا قولت لحضرتك مش هينفع الوضع يبقى بالشكل ده، حضرتك لو خايفة إن حد ياخد مكانك، مفيش حد بياخد مكان الأم أو الأب، دي حاجة مستحيلة، لكن لازم يكون فيه خصوصية، أنا خايفة على الخصوصية، ومش عايزة أكون في نفس الدائرة طول الوقت".

وأكدت السيدة منى، "أنا مش عايزة أسيب ابني ولا هو يبعد عني، بس الحل ده صعب أطبقه"، وقالت رضوى الشربيني: "أنا مش عارفة أعمل إيه، أنا كنت فاكرة إننا هنلاقي حل يريح الكل، بس واضح إن الموضوع صعب"، وقامت إيمان بخلع الدبلة وفسخ خطوبتها من أحمد.