كريم سرور يطالب بالتحقيق مع سينما زاوية بعد تصرفهم مع محمود يحيي
أعرب الفنان كريم سرور عن استيائه وغضبه الشديد بسبب ماحدث مع المخرج الشاب محمود يحيى مخرج فيلم اختيار مريم، بعد رفض سينما زاويا عرض فيلمه الأول اختيار مريم والتعدي عليه بسبب اعتصامه.
منشور كريم سرور
حيث نشر الفنان كريم مسرور منشورًا عبر حسابه الرسمي على موقع التواصل الإجتماعي فيسبوك، وعلق قائلًا: “هو إنتوا اتولدتوا مخرجين ومنتجين يعنى وأساتذة كبار !! .. مانتو جربتوا وحاولتوا كتير .. وأكيد كان عندكم شطحات كدة فى بداية مشواركم وحمقة وعصبية البدايات .. أكيد مكنتوش هتبقوا مبسوطين لما تتهزؤا وتتهانوا وتضربوا .. إيه الخرا اللى إنت بتعملوه ده يا رواد الفن المستقل ياللى حاملين الشعلة .. بتبرروا ضرب فنان عشان مبتدئ !!!!!! يا نهار اسود !”.
كريم سرور يستنكر ما فعلته سينما زاوية مع محمود يحيي
وقال كريم سرور مستنكرًا ما حدث مع محمود يحيي: “إنتوا مين !! طب خلاص سهلة نقاطع سينما زاوية لحد ما يعرضوا الفيلم بتاع الأستاذ محمود يحيى اللى اقسم بالله ماعرفه شخصياً ولا عمرى سمعت عنه ولا اعرف ده فيلم ايه .. انا كل اللى شوفته إن فيه فنان مسالم واقف ببوستر فيلم جنب سينما زاوية وطلعوا عليه العاملين فى السينما ضربوه ومشوه بشكل مهين جداً .. بدل ما تتصلوا بيه وتحتووا الموضوع وتفهموا سبب المشكلة بما إنكم الكبار يعنى وكل شوية حد يخش يطبلكم .. لأ ده إنتم بتعلنوا بكل بساطة عندكم إنتم وشوية المعاتيه ألاضيشكم إن اللى حصل فى الفنان ده هو السبب فيه .. وبتسخروا منه كمان .. والله ما مصدق”.
كريم سرور يطالب بالتحقيق مع سينما زاوية
واختتم الفنان كريم سرور منشوره قائلًا: “وبكررها تانى أى حد هيبرر العنف ده إبن ستين كلب .. إبن ستين فى سبعين كلب .. هى زريبة !! انتم فاكرينها زريبة يعنى وكلامكم وفنكم بس هو اللى يمشى وأى حاجة تانى لأ .. إحتكرتوا الشغلانة والتنظير فيها وبتحكموا على اللى يفتح بوقه إنه بلطجى .. أنا شايف إنه يتم التحقيق مع سينما زاوية وإدارتها وياريت تتقفل خالص طالما هى مش داعمة للفن المستقل كما تدعى وخلاص”.
اعتصام محمود يحيي
في سياق متصل، أقدم مخرج شاب يدعى محمود يحيي على الاعتصام أمام سينما زاوية ممسكًا بـ”بوستر” فيلمه، احتجاجًا على رفض إدارة السينما عرض العمل، الموقف الذي بدا صادمًا لعدد من المتابعين دفع المخرج أمير رمسيس المدير الفني لمهرجان القاهرة السينمائي الدولي، إلى التعبير عن استنكاره الشديد لما حدث، معتبرًا أن مثل هذه التصرفات لا تليق بالمشهد السينمائي ولا بعلاقة المبدع بمؤسسات العرض والتوزيع.
تفاصيل الواقعة
وفقًا لرواية المخرج أمير رمسيس، فإن المخرج الشاب لجأ إلى خطوة غير تقليدية بعد رفض “سينما زاوية” ضم فيلمه إلى جدول عروضها، حيث وقف أمام مدخل السينما حاملًا أفيش العمل، في محاولة لفرضه على إدارة المكان بالقوة الرمزية، وهو ما وصفه رمسيس بأنه “تصرف عنيف وغير مدروس”.
