دوللي شاهين عن كلبتها: "دخلت المستشفى تولد خرجت في كيس أسود"
انتقدت الفنانة دوللي شاهين أسلوب الأطباء البيطرين، خاصة بعد وفاة كلبتها أثناء ولادتها في إحدى المستشفيات، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
دوللي شاهين تنعي كلبتها
وعلقت دوللي شاهين قائلة: “راحت كيكي الحلوة، طول عمري فاكرة ان البيطري عنده رحمه اكتر من اي دكتور واي انسان ولكن المشكلة ما طلعتش في المهنة ولا ابن مين وثقافتك ايه وتعليمك ايه، المشكلة ان الضمير مات و الإنسانية مش موجودة وبقى كله عبد للقرش دخلت المستشفى تولد خرجت في كيس اسود ، حسبي الله ونعم الوكيل”.
اهتمام دوللي شاهين ببشرتها
وقد كشفت الفنانة دوللي شاهين عن سؤال يتردد لها كثيرًا عن قدرتها على تفتيح لون بشرتها، لترد عن ذلك التساؤل المتكرر من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
حيث قالت دوللي شاهين: “أنا كنت بحب علطول أعمل تان، بعد ما خلفت بنتي نور بدأ يطلعلي كلف في وشي وبقيت شبه الهنود، فقلقت على نفسي وقولت مش هعمل تان تاني، وبعد ما كسرت التلاتين بدأت أمشي على الفوليك أسيد والكولاجين ومع الوقت الكولاجين بيفتح البشرة، بس كده”.
دوللي شاهين تكشف أن أغرب تعليق على صفحتها
في سياق آخر، قد كشفت الفنانة دوللي شاهين عن أغرب تعليق قرآته على صفحتها، وذلك من خلال تصريحات خاصة في لقاءها مع موقع نيوز رووم.
حيث قالت دوللي شاهين: “لاقيت تعليق على صفحتي بيقولوا ماتت بالمرض الخبيث، فليه كده يعني ليه توصل أنهم يموتوني بالشكل ده، فوقتها رديت علي التعليق وقولت عقبالك، فاللي بيتمنالي حاجة أنا برد عليه بنفس الحاجة ده لو شوفت التعليق”.
وأوضحت دوللي شاهين عن حجم تعاملها مع السوشيال ميديا، حيث قالت: “أنا مبحبش خالص التعليقات وفضلت فترة قافلة التعليقات على صفحتي لأن أي حد بقى بيقول أي حاجة ومستخبي ورا الشاشة”.
