دوللي شاهين تكشف عن مسابقة لكل الموهوبين بالغناء عبر لايف تيك توك
خرجت الفنانة دوللي شاهين عن صمتها لتكشف عن مسابقة جديدة عبر لايف تيك توك، فسوف ينضم لها في اللايف كل موهوبي الغناء وأفضل صوت سيكون هو الفائز، وأوضحت ذلك من خلال منشورعبر حسابها الرسمي على موقع تبادل الصور والفيديوهات إنستجرام.
دوللي شاهين تعلن عن مسابقة إسبوعية
حيث قالت دوللي شاهين معلقة: “صوتكم حلو، نفسكم تغنوا، مستنياكم كل ثلاثاء الساعة 8 في لايف على التيك توك، عشان نغني مع بعض، واحلى صوت هيطلع معانا هيكون هو صوت الأسبوع، هعمله متابعة وهشير الأكونت بتاعه على الأستوري عندي، ويمكن يكون عنده فرصة محدش عارف الفرص بتيجي ازاي”.
اهتمام دوللي شاهين ببشرتها
وقد كشفت الفنانة دوللي شاهين عن سؤال يتردد لها كثيرًا عن قدرتها على تفتيح لون بشرتها، لترد عن ذلك التساؤل المتكرر من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
حيث قالت دوللي شاهين: “أنا كنت بحب علطول أعمل تان، بعد ما خلفت بنتي نور بدأ يطلعلي كلف في وشي وبقيت شبه الهنود، فقلقت على نفسي وقولت مش هعمل تان تاني، وبعد ما كسرت التلاتين بدأت أمشي على الفوليك أسيد والكولاجين ومع الوقت الكولاجين بيفتح البشرة، بس كده”.
دوللي شاهين تكشف أن أغرب تعليق على صفحتها
في سياق آخر، قد كشفت الفنانة دوللي شاهين عن أغرب تعليق قرآته على صفحتها، وذلك من خلال تصريحات خاصة في لقاءها مع موقع نيوز رووم.
حيث قالت دوللي شاهين: “لاقيت تعليق على صفحتي بيقولوا ماتت بالمرض الخبيث، فليه كده يعني ليه توصل أنهم يموتوني بالشكل ده، فوقتها رديت علي التعليق وقولت عقبالك، فاللي بيتمنالي حاجة أنا برد عليه بنفس الحاجة ده لو شوفت التعليق”.
وأوضحت دوللي شاهين عن حجم تعاملها مع السوشيال ميديا، حيث قالت: “أنا مبحبش خالص التعليقات وفضلت فترة قافلة التعليقات على صفحتي لأن أي حد بقى بيقول أي حاجة ومستخبي ورا الشاشة”.
حقيقة اعتزال دوللي شاهين التمثيل
وقد تغيبت الفنانة دوللي شاهين خلال السنوات الخيرة عن السينما، بالرغم من أن اسمها قد لمع في بدايتها كممثلة ومغنية في العديد من الأعمال التي لاقت نجاحًا جماهيريًا حتى الآن، والبعض اعتقد أن دوللي شاهين قررت الاعتزال والتركيز في الغناء فقط.
ولكن كشفت دوللي شاهين في تصريحات خاصة لـ موقع نيوز رووم قائلة: “أنا مكنتش عايزة أبطل، بس أن ناس كتير قالولي هنقعدك في البيت من ضمن ممثلة مشهورة، وحد في قناة ميلودي، وأنا قولتلهم لو هتعرفوا اعملوا كده، لأني مقتنعة أن ده رزق ولو ربنا رايد أني مشتغلش مش هشتغل، ولكن لعل وعسى أرجع تاني للساحة الفنية”.
