شمس البارودي: "متلعبوش في صوري بالذكاء يا مرضى أنا مش مكرمشة"
خرجت الفنانة شمس البارودي عن صمتها لترد على انتشار صور مفبركة لها بالذكاء الأصطناعي، حيث تظهرها بملامح متقدمة في العمر أكثر، وذلك من خلال منشور عبر حسابها الرسمي على موقع التواصل الإجتماعي فيسبوك.
صور مفبركة لـ شمس البارودي
وعلقت شمس البارودي قائلة: “بتعجزونى في صور بالذكاء قصدين ودي صورى الاسبوع الماضي يعنى مش مكرمشه ولا عمله عمليات نفخ ولا تصغير ولا تكبير زى منا ربنا مكبرنى بشكل محترم على رأي صديقة حبيبة اعلامية بتقولى وشك مابيبنش عليه خطوط عريضه اللي بتحصل لكبار السن أنا تميت ٨١ الحمدلله ونشيطه ورياضيه وبحب سنى وشكلى واستعملت اديا في خدمة بيتى وولادى فـ اتلهوا وحطى صورى بتاعتى دلوقتي ماتلعبوش فيهآ يامرضي ده إنتوا فعلآ عبط قوي قوى كده ليه بجد”.
شائعات تدهور حالة شمس البارودي العقلية
في سياق آخر، قد خرجت الفنانة المعتزلة شمس البارودي، للرد على شائعات تشير إلى تدهور حالتها العقلية ودخولها مستشفى للأمراض العقلية.
وشاركت شمس البارودي فيديو لها عبر حسابها الشخصي على فيسبوك، وعلقت : “كارثة وقلة أدب وحالة من الصرع، تعبت من اللي بيهاجمونني، ليه قلة الأدب دي؟، شخص مريض وبيخوض في سيرتي ويقول خرفت، وعنوان حسبي الله ونعم الوكيل، والآخر المفكفك عنوان سافل يقول دخلت مستشفى الأمراض العقلية، ليه؟، اسمعوا أنا برد عليهم أهو، حسبي الله ونعم الوكيل، اسمعوا كلامي”.
وقالت شمس خلال الفيديو : “يعني بقى فيه حالة هجوم غريب جدًا على شخصي بشكل مش طبيعي، منظم كأن حد موظفهم لكده، يعني إيه شخص حاطط عنوان إيداع شمس البارودي مستشفى الأمراض العقلية؟، يعني أنا مش فاهمة طب أرد عليه إزاي؟، واحد تاني يقولك شمس البارودي اتجننت .. يعني ليه؟”.
وأكملت مستنكرة الهجوم عليها رغم حرصها على تقديم محتوى وصفته بالمحترم والراقي، حيث قالت : “أنا بعمل فيديوهات زي كل الستات اللي بتعمل محتويات، بس أنا بعمل محتوى محترم وراقي، إيه اللي واجعكم فيه ؟، يعني أنا مش فاهمة إزاي أنتم بتجيبوا الكلام ده وإزاي بتحطوا العناوين دي ؟”.
وتابعت شمس البارودي : “أنا بعيدة اليومين دول عشان ذكرى زوجي، بختم القرآن عدة مرات، عشان كده منزلتش بقالي 3 أو 4 أيام، ما بنزلش فيديوهات، علشان ذكرى حسن، وفاة حبيب قلبي حسن يوسف في يوم 29”.
