عمرو محمود ياسين ينتقد حسام حسن : راجع نفسك وصلاح مايخرجش في الدقيقة 60
خرج المؤلف عمرو محمود ياسين لتوجيه الانتقادات لـ حسام حسن، المدير الفني للمنتخب المصري، وذلك بعد تعادل الفراعنة بالأمس بدون أهداف، مع منتخب أنجولا في افتتاحية تصفيات كأس الأمم الأفريقية 2027 المقرر إقامتها في كينيا وتنزانيا وأوغندا.
وأكد عمرو محمود ياسين أنه من محبي حسام حسن، مشيرة إلى أن حسام لم يقصد إهانة محمد الشناوي حارس المنتخب بتصريحاته الأخيرة، ولكن ألقى عمرو اللوم على حسام بسبب كثرة حديثه عن فضله على اللاعبين وتبديله لـ محمد صلاح في الدقيقة 60 من عمر مباراة أمس.
وكتب عمرو عبر حسابه الشخصي على فيسبوك : "أولًا أنا من محبي حسام حسن وبدعمه دائمًا، لكن الدعم ده مش مطلق، ثانيًا حسام ماكنش يقصد يهين الشناوي لكنه لا يجيد اختيار الألفاظ ، ثالثًا حسام بيحب يشير دائمًا لفضله على اللاعبين ودي مشكلة لازم يراجع نفسه فيها، ونفتكر كم مرة قال غيرنا وظيفة محمد صلاح في الملعب، على أساس كبر وكده ومايفنعش وينج، اللي هو أنقذ مسيرة صلاح وكده، قالها كتير أوي، بس صلاح يا كابتن حسام بيلعب وينج عادي في أوقات كتير في تركيا وبيجيب هاتريك وزي الفل ".
وتابع : "رابعًا كابتن حسام مش عايز حد يقلب له وشه في الفرقة، علشان كده بيحاول يخلص من الشناوي زي ماخلص من مصطفى محمد، وبعدين على رأي إبراهيم فايق لو شناوي كان منتهي طيب ليه ماخدتش ساعتها أي حارس تاني مش منتهي؟".
وأضاف عمرو محمود ياسين : "خامسا محمد صلاح مابيخرجش في الدقيقة 60 يا كابتن حسام، ده اسمه عبث، وأصلًا أنت كنت في احتياج له ولهيثم حسن في الوقت ده من المباراة، وماكنش ينفع يخرجوا لأن دول اللي عندهم حلول فنية".
واختتم عمرو : "سادسًا مش لازم كل ماتش يبقى فيه لقطة ونمرة مع حد، مع الحكام، مع مدرب أنجولا، في إيه بس يا كابتن حسام، راجع نفسك بسرعة".
