هيدي كرم تشيد بأغنية بنت مين لـ تامر حسني وتتساءل: "هي حلاوتك منين ولا 200"
أشادت الفنانة هيدي كرم بأغنية بنت مين أحدث أعمال المطرب تامر حسني الغنائية، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
حيث قالت هيدي كرم معلقة: “يا جماعة سمعتوا أغنية بنت مين لتامر حسني، حلوة حلاوة، التوزيع مع المزيكا خطير، معمول فيها مجهود رائع، كل ما تسمعوها كل ما تحبوها”.
سؤال هيدي كرم لـ تامر حسني
وتساءلت هيدي كرم سؤال موجه إلي تامر حسني، حيث قالت: “هي حلاوتك منين ولا 200 عشان في الكلمات مكتوبة منين بس أنا سامعة 200، أنت قصدك أيه ياريت نعرف”، ليرد عليها تامر حسني قائلًا: "منين يا هيدي مش 200، وبالنسبة لحلاوتك أنتي هتبقى 400 كمان مش 200"، لتمازحه هيدي كرم معلقة: "يبقى لازم اكشف على وداني".
هيدي كرم تقدم نصائح لاختيار شريك الحياة
في سياق منفصل، قد كشفت الفنانة هيدي كرم، عن نصائحها للمقبلين على الدخول في علاقات عاطفية والباحثين عن شركاء حياتهم، حيث أكدت أن الشخص الذي يبحث عن شريك مثالي يجب أن يتحلى هو الآخر بصفات مثالية.
وقالت هيدي كرم خلال فيديو عبر حسابها الرسمي على موقع تبادل الصور والفيديوهات إنستجرام : "كل واحد فينا لما بيدور على شريك عايز يشاركه حياته سواء كان راجل أو ست .. بيبقى دايمًا بيدور على أحسن حاجة .. يعني الست بتبقى عايزة راجل كريم وحنين وجدع ومعطاء ومخلص ولذيذ ودمه خفيف ومش تافه .. والراجل كذلك بيبقى عايز ست بنفس الصفات .. وطبعًا أكيد كل واحد حقه".
لازم أكون أحسن نسخة من نفسي
وتابعت : "بس علشان أدور على أفضل راجل أو ست .. لازم أنا كمان أكون أحسن نسخة من نفسي .. وبالتالي لما أشتغل على نفسي وأوصل لأفضل نسخة مني ساعتها هجذب حد نفسي .. ولكن ميبقاش أنا قاعد عندي مشاكل وفيا العبر .. وأقول أنا عايز حد ياخدني ويشيلني من على الأرض شيل".
واختتمت هيدي كرم: "ماينفعش راجل يجي يقول على الست إنها مش عارفة قيمتك .. إيه هي قيمتك ؟ .. هل أنتو فعلًا ليكم قيمة حقيقية ؟ .. أو إشتغلتم على نفسكم؟".
