بتكسف من الجرسونات.. شريف مدكور يثير الجدل حول سبب عدم خروجه مؤخرًا
أثار الإعلامي شريف مدكور جدلًا كبيرًا بسبب حديثه الأخير عن قلة خروجه مؤخرًا بسبب إحراجه من العاملين في المطاعم، وذلك من خلال منشور عبر حسابه الرسمي على موقع التواصل الإجتماعي فيسبوك.
شريف مدكور يثير الجدل
وعلق شريف مدكور قائلًا: “أنا تقريباً بطلت اخرج غير نادراً و من ضمن الأسباب أني بتكسف من الجرسونات في المطاعم لأن في الغالب الفاتورة بتكون قد مرتبه الشهري أنا عارف أن الأرزاق بتاعه ربنا بس فعلاً بكون محرج”.
إشادة شريف مدكور بالسياحة العلاجية
في سياق آخر، أشاد الإعلامي شريف مدكور بالسياحة العلاجية في مصر، قائلًا: «زرعت شعري في مصر، وفيه أصحابي زرعوا بره وباظ ورجعوا عادوه تاني في مصر.. عندنا سياحة علاجية هايلة»، خلال فيديو له عبر صفحته الرسمية له.
وأضاف شريف مدكور، : «أنا زرعت شعري في مصر، أغلبية اللي حواليا زرعوا شعرهم خارج مصر، ونص اللي راحوا البلاد الثانية دي زرعوا شعرهم جم عندهم مشاكل واضطروا يعيدوها في مصر».
وتابع: «طب إنت ليه من الأول رحت دفعت الـ2000 دولار وعملت القصة دي هناك؟ ما أنت كان هنا بلدك أولى، والدكتور بتاعك هتروح عنده بعد أسبوع يشيل لك القشرة وتتابع معاه والقصص دي كلها».
واستكمل: «في حاجات طبعًا أنا ما بفهمهاش وما ببقاش مستوعبها، رغم إني بسافر في السنة ثلاثة أو أربعة مرات، بس أنا بسافر عشان أصحابي عايشين بره، ببقى عايز أشوفهم وهم عايزين يشوفوني، حتى ما بروحش أقعد في بيوتهم، فما تعتبرش سياحة قوي».
عندنا كل مقومات السياحة
وواصل: «إحنا عندنا كل مقومات السياحة، إحنا عندنا مشكلة، عندنا الفنادق قليلة عايزينها تزيد، الغرف الفندقية، عايزين نتوسع في موضوع تأجير السكن عبر الإنترنت»، مضيفًا: «عندنا إن في بعض المناسبات الدينية في مصر بيبقى في حجب لبعض الأشياء، والسائح بيبقى جاي مش عارف فبيتخض، عندنا بعض الناس مش بتعرف تتعامل مع السياح».
واختتم: «مش هينفع نبقى بلد سياحية من طراز أول ويخش لنا 50 أو 60 مليون سائح غير لما يبقى عندنا المواصلات جيدة، والآن أصبحت هايلة، عندنا شركات التوصيل بقت في كذا شركة»، مضيفًا: «لما قصدت البنية التحتية السياحية، أقصد إنك عايز على الأقل فنادق، عايز كمية فنادق مرعبة، وعايز يبقى في مرشدين عندهم الوعي واللغة وإتقان اللغة والشكل المناسب إنه يبقى مع السائح».
