إيناس عز الدين تحتفل بعيد زواجها: "قربنا نبقى تأبيدة"
احتفلت المطربة إيناس عز الدين بعيد زواجها، فبالرغم من انشغالهما بمرض والدة زوجها إلا أنها دومًا تحرص على الاحتفال بهذه المناسبة السعيدة، وذلك من خلال مشنور عبر حسابها الرسمي على موقع تبادل الصور والفيديوهات إنستجرام.
وقالت إيناس عز الدين معلقة: “أنا عارفة قد ايه يومنا النهاردة كان طويل و صعب قوي بسبب تعب ماما ربنا يقومها لينا بالسلامة يارب وما يحرمنا منها ولا من دعواتها و حسها في الدنيا، بس ما ينفعش كان برضوا اليوم يعدي وما اقولكش كل سنة واحنا مع بعض و ربنا يهدي سرنا و يبعد عنا شياطين النفس و الانس و الجن و يجمعنا العمر كله .. خلاص قربنا نبقى تأبيدة، و كل عيد جواز و احنا طيبين و راضيين و في فضل و نعمة من الله”.
هوية زوج إيناس عز الدين
في سياق متصل، كشفت المطربة إيناس عز الدين عن هوية زوجها، بعدما حصدت العديد من الانتقادات لفارق السن بينهما، وذلك من خلال منشور عبر حسابها الرسمي على موقع التواصل الإجتماعي فيسبوك.
حيث قالت إيناس عز الدين في منشورها: “جماعة أنا متجوزة دكتور أحمد قمر مش دكتور عمرو الليثي خالص والله و هو حتى مش شبهه و النعمة، و نقطة تانية جوزي الفرق بيني و بينه ٨ سنين بس مش متجوزة راجل كبير وأنا عيلة صغيرة علشان الواحد بيقرأ العجب و جوزي مش عجوز اصلاً ولا انا صغيرة بضفاير انا بس اللي عيلتنا كلها كل ما نكبر شكلنا يصغر و علشان انا بس اللي شكلي مسخوطة، انا ٣٠ سبتمبر اللي جاي هكمل ٣٩ سنة، هو بس اللي مش بيصبغ زيي ومن زمان عنده شيب مبكر من وهو في العشرينات لكن هو حبيبي شباب ربنا يبارك في عمره، و نقطة تالتة احنا مش عرسان جداد احنا من قديم الأزل مع بعض من العصور الوسطى، ١٧ سنة و مكملين بس قولوا يارب، و دول شوية صور لينا مع بعض على مدار عمرنا هتلاقوا فيهم صور كتير وهو صغير وانا اللي كبيرة ايام ما كنت كبيرة، و صور بعد ما بقيت ڤامباير وهو كبر و انا صغرت، انجوي يا وظاويظ”.
