بعد واقعة الاغتصاب بالعبور.. إيناس عز الدين: "أحنا بنعيش اسوأ درجات الخلل"
استغاثت الفنانة إيناس عز الدين مما وصل إليه المجتمع خاصة بعد واقعة الاغتصاب التي حدثت من رجل بطفل في العبور، وذلك من خلال منشور عبر حسابها الرسمي على موقع التواصل الإجتماعي فيسبوك.
إيناس عز الدين تستغيث من وقائع الاغتصاب
وقالت إيناس عز الدين معلقة: “بقلب على انستجرام لقيت فيديو بشععععععع، مكتوب أنه من الحي الثامن في مدينة العبور لبغل بجلابية راجل شحط ماسك عيل بتاع ٩ ولا ١٠ سنين بيعتدي عليه ويحضنه ويبوسه قبلات زوج لزوجته العيل مش فاهم و تايه و متشنج، طيب ممكن حد يقولي انه حاسس بأمان على نفسه و على اولاده ؟ سواء امان من ناس غريبة او حتى من الاهل و حتى من اقارب الدرجة الاولى ؟ حاسين بأمان ؟، قعدتوا تصيحوا سنين ان البنات السبب و لبسهم السبب، طيب الاطفال ؟ بنات و اولاد و رضع ؟ و الحيوانات اللي اعتدوا عليهم زي الاعتداء على حمير و متصورين و اللي اغتصبوا كلاب واتحبسوا؟، طيب الستات الكبار ؟ و الشاب اللي صور السواق و هو بيتحرش بيه و نشر الفيديو وبيقول كنت خايف و بترعش و الناس بدل ما تقويه بقوا يستهزأوا بيه مش فاهمين رهبة و بشاعة لحظة التعرض لحاجة زي دي قد ايه بتشل الجسم و العقل و تسبب صدمة نفسية، امتى هنحس بأمان ( تحديداً وسط مجتمع فيه جزء كبير من الرجال وصلوا للمستوى ده ) ؟، و ثواني معلش انتوا فاكرين اللي بيعملوا كده بس من فئات مضمحلة ؟ ولا جاهلة ؟ ولا مش متجوزين ؟ ولا محرومين ؟ ولا الفقر اكلهم ؟، لا لا لا لا ده فيهم اللي متجوز و اللي عايش و مقضيها و اللي معاه فلوس واللي في مركز كويس و مدرسين و اصحاب شركات و من كل قطاعات المجتمع واللي لو شاور لست هيلاقيها من غير غصب لكن مش ده هدفهم لانهم ما يقدروش يمارسوا حياة طبيعية لانهم هيتكشفوا”.
دعوة إنسانية
واختتمت إيناس عز الدين بدعوة إنسانية قائلة: “الكارثة هنا مش جسدية ولا جنسية الكارثة في النقص اللي عند كتير بسبب ( عجزهم ) اللي بيخليهم يعملوا ده سرقة و يحسوا بانتصار من غير ما حد يقفش انهم لمؤاخذة عندهم ضعف بيحسوا بانتصار على الضحية الضعيفة الخايفة المرتعشة اللي بيقتنصوا منها لمسة غصب عنها و بيحسوا هنا بقوتهم ( نوع من انواع الاذلال ) لتعويض التقص و الضعف، احنا بنعيش اسوأ درجات الخلل خلونا مش عارفين نعيش في امان ولا نشوف حياتنا بشكل طبيعي ولا نتطمن على اولادنا و اعراضهم، ايه الحل ؟”.
