«أرض مصرية 100%»..النائب سعيد العماري يكشف عن رسالة الدولة من التنمية في سيناء
كشف النائب سعيد العماري، عن الرئاسلة التي تسعى الدولة المصرية لإيصالها، من خلال خطط التنمية في سيناء، قائلا: «الرسالة التي تسعى الدولة لإيصالها هي أن أرض سيناء مصرية».
وأضاف، خلال استضافته في بودكاست «راقب نائب» مع الإعلامية رشا البعل المذاع عبر نيوز رووم: «سيادة الرئيس عبدالفتاح السيسي ربنا يجازية بالخير بيوجه بدعم التنمية في سيناء لكن الحكومة مش بتسير على نفس التوازي ومش بنفس الحماس بتاع سيادة الرئيس.. يعني الأداء بطيئ شوية».
وخلال الحقلة، كشف النائب سعيد العماري عضو مجلس النواب عن خطة التنمية في شمال سيناء، موضحا: «شمال سيناء كبيرة جدا، وربنا كارمها بجميع الثروات والخيرات، يعني لو جيتي ثروة زراعية موجودة، ثروة سمكية موجودة، ثروة معدنية موجودة، كل حاجة موجودة».
استجابة من الحكومة
وأضاف: «بالنسبة المصانع، إحنا عايزين نرجع نقول إن إحنا بنطالب بحق فترة انتفاع في شمال سينا 25 سنة، مين راجل أعمال اللي هيروح يعمل مصنع في شمال سينا علشان 25 سنة حق انتفاع؟ أقل حاجة لازم 99 سنة أو 75 سنة، المنطقة فيها توتر، فأنا عشان أشجع المستثمر لازم أحل دا».
وتابع: «احنا كنواب شغالين مع الحكومة في حل هذه الثغرات وتعديل القوانين، وفي استجابة من الحكومة بسيطة، مثلا واحد زي حسن راتب راح استثمر هناك، باقي رجال الأعمال فين؟ محدش استثمر جديد خالص».
طبيعة العمالة في بورسعيد
وواصل: «محدش هيعمل حاجة إلا مصانع صغيرة خالص اللي هي مش بتأدي الغرض، يعني لما نعمل مصنع أقل حاجة 1000 واحد، الألف واحد المفروض 70% مجموعة من أبناء من اللي اشتغلوا في مصنع أو في مزار أو في أي حاجة من أبناء سينا إلا إذا في خبرات مش موجودة من أبناء سينا أجيبها من بره».
وأردف: «عندنا بورسعيد فيها مصانع وكل الكلام دا، كل أبناء بورسعيد اللي بيتوظفوا، أبناء سينا يقولك لأ يا أما عمالة يا أمن، لكن ييجي دول يقولك الأولوية لأبناء بورسعيد، طب الكلام دا لازم يطبق عشان سينا ونفس الكلام في إسماعيلية، نفس الكلام في أي مكان تاني، ولا زلت أكرر كلامي تاني إن موضوع التوظيف ده أمر مهم».
