سعيد العماري: الأولوية في التوظيف يجب أن تكون لأبناء شمال سيناء

كشف النائب سعيد العماري عضو مجلس النواب عن خطة التنمية في شمال سيناء، موضحا: «شمال سيناء كبيرة جدا، وربنا كارمها بجميع الثروات والخيرات، يعني لو جيتي ثروة زراعية موجودة، ثروة سمكية موجودة، ثروة معدنية موجودة، كل حاجة موجودة». 

استجابة من الحكومة

وأضاف، خلال لقاءه مع الإعلامية رشا البعل في برنامج «راقب نائب»، المذاع عبر «نيوز رووم»: «بالنسبة المصانع، إحنا عايزين نرجع نقول إن إحنا بنطالب بحق فترة انتفاع في شمال سينا 25 سنة، مين راجل أعمال اللي هيروح يعمل مصنع في شمال سينا علشان 25 سنة حق انتفاع؟ أقل حاجة لازم 99 سنة أو 75 سنة، المنطقة فيها توتر، فأنا عشان أشجع المستثمر لازم أحل دا». 

وتابع: «احنا كنواب شغالين مع الحكومة في حل هذه الثغرات وتعديل القوانين، وفي استجابة من الحكومة بسيطة، مثلا واحد زي حسن راتب راح استثمر هناك، باقي رجال الأعمال فين؟ محدش استثمر جديد خالص». 

طبيعة العمالة في بورسعيد

وواصل: «محدش هيعمل حاجة إلا مصانع صغيرة خالص اللي هي مش بتأدي الغرض، يعني لما نعمل مصنع أقل حاجة 1000 واحد، الألف واحد المفروض 70% مجموعة من أبناء من اللي اشتغلوا في مصنع أو في مزار أو في أي حاجة من أبناء سينا إلا إذا في خبرات مش موجودة من أبناء سينا أجيبها من بره». 

وأردف: «عندنا بورسعيد فيها مصانع وكل الكلام دا، كل أبناء بورسعيد اللي بيتوظفوا، أبناء سينا يقولك لأ يا أما عمالة يا أمن، لكن ييجي دول يقولك الأولوية  لأبناء بورسعيد، طب الكلام دا لازم يطبق عشان سينا ونفس الكلام في إسماعيلية، نفس الكلام في أي مكان تاني، ولا زلت أكرر كلامي تاني إن موضوع التوظيف ده أمر مهم».

إمتى النائب يقول للحكومة لأ؟

ووجهت الإعلامية رشا البعل  سؤالا مفاده: «إمتى النائب يقول للحكومة لأ؟»، ليرد قائلا: «لو في أي مصلحة ضد المواطن يقول للحكومة لأ، في مواقف كتيرة، واعترضت عليها وقولت للحكومة لأ، إحنا أي حاجة ضد المواطن أقول للحكومة اه لو الموضوع ده أي موضوع بيمس الأمن القومي والحكومة، وفعلا إنت كان كنائب أو كمواطن تحس إنه هو بيمس الأمن القومي».

الطابع القبلي في شمال سينا

وردا على سؤال: «هل النائب فعلا دوره بيعكس رأي الشارع، ولا ممكن يكون حاجة ما لهاش علاقة بالشارع؟»، أوضح: «إحنا في شمال سينا إحنا قبلية وقرى موجودين في الشارع، الشارع مش كله معاك، في ناس ضدك عشان هي عايزة تبقى ضدك كنائب، وفي الغالبية العظمى إنت بتحتك بيهم وتقعد معاهم وتسمع طلباتهم». 

واختتم: «إحنا الطابع القبلي في شمال سينا لابد أنه يكون النائب موجود أصلا على الأرض، لكن إمتى المواطن السيناوي يرضى؟ أو يكون مبسوط؟ عندما يتم تطبيق وتنفيذ رؤية السيد رئيس الجمهورية بسرعة التنمية في شمال سيناء في جميع المجالات».