«الولد اتخض من زعيقي وكرهت ميسي».. النائب سعيد العمري يروي موقف في مباراة الأرجنتين

روى النائب سعيد العمري، خلال استضافته في بودكاست «راقب نائب» مع الإعلامية رشا البعل، المذاع عبر نيوز رووم، موقفا جمعه بـ3 شباب مصريين بسبب تشجيعهم للنجم الأرجنتيني ليونيل ميسي.

صدام بسبب ميسي

وتابع العمري: "ميسي أنا مبقت أحب أذكر اسمه بصراحة.. أنا كرهته جدا من بعد ماتش مصر والأرجنتين"، واصفا اللحظة التي فقد فيها أعصابه تجاه المشجع قائلا: «أول ما قال هيجيب تلاتة أجوان.. بصيت له وقلت إنت بتقول إيه؟ اتعصبت، لأنه مصري وبيقول هيجيب 3 أجوان.. إزاي؟».

وأشار النائب إلى أن المشجع حاول تدارك الموقف سريعا بعد رؤية غضبه: «هو قالي أنا آسف والله ما أقصد.. إن شاء الله إحنا اللي هنكسب.. بس أنا بصراحة طلعت عن شعوري، والواد اتخض من الزعيقة بتاعتي.. قلت له: إزاي تقول كده؟ إنت عارف هو بيتلاعب مين؟».

السيطرة المصرية في الملعب

ووصف العمري الأجواء الأسطورية في الملعب رغم قلة عدد الجمهور المصري مقارنة بالأرجنتيني، موضحا: «إحنا كنا في الاستاد حوالي من 5 لـ7 آلاف مشجع، وهم كانوا أكتر من 50 ألف.. لكن رغم كده، صوت الـ7 آلاف مصري كان هو الأعلى، وكانوا مسيطرين على أجواء الاستاد والملعب كله، أكتر حتى من الجمهور الأرجنتيني».

وعن أداء اللاعبين في تلك المباراة، قال: «الأداء كان فوق الممتاز.. أداء رجولي، رجالة بمعنى الكلمة. مش مجرد حماس، لأ.. كانوا رجالة واقفين في الملعب وقد المسؤولية»، كاشفا: «أول ما جه الجون الأول، سجدت لله في المدرجات.. نزلت على الأرض وسجدت شكر لله».

انتقاد عنيف للتحكيم

وأكمل: «الحكم كان متحامل علينا من أول الماتش.. وأنا اللي كنت قاعد في الملعب وشايف ده بعيني.. من أول المباراة وقراراته كلها كانت ضد المنتخب».