مبروك عطية عن نفقة الأبناء بعد الطلاق: بتصرف على ابنك مش حد غريب

علق الشيخ مبروك عطية على نفقة الأبناء المستحقة عند الطلاق، قائلًا: «النفقة وجبت على الابن علشان ابنك منك.. أنت بتصرف على روحك بتصرف على yourself مش بتصرف على الـ another»، وذلك خلال استضافته في برنامج «كلام الناس» مع الإعلامية ياسمين عز، المذاع عبر شاشة إم بي سي مصر.

وخلال الحلقة، أجاب الشيخ مبروك عطية عن سؤال أحد المتصلين حول حكم الدين في كلمة «عليا الطلاق»، قائلا: «كلمة عليا الطلاق يمين حلف زي والله ولو طلعت منك مش معناها إن الطلاق وقع.. وتكفيرها إطعام 10 مساكين أو صوم 3 أيام».

كما تطرق خلال الحلقة للحديث عن الرحمة ببين الزوجين والمعاملة الحسنة، قائلًا: «الرحمة والمعاملة الحسنة مهمة في التعامل بين الزوجين لما جوزك يقولك عايز شاي قوليله عنيا متقوليش أنت مش لسا شارب شاي من شوية».

ومن جانبها أضافت الإعلامية ياسمين عز، قائلة: «الله.. أصبت يا شيخنا والله».

وفي سياق آخر، وجهت ياسمين عز نصيحة للسيدات بعد خسارة منتخب مصر أمام الأرجنتين، قائلة: «حاولي تنسي جوزك الصدمة وخسارة مصر في ماتش الأرجنتين افتحي نفسه ودلعيه».

وأضافت ياسمين عز، خلال حلقة اليوم من برنامج «كلام الناس» المذاع عبر شاشة إم بي سي مصر: «خففي عن جوزك صدمة الخسارة حطي روج نود يخلي الغايب يعود، اسحبي سحبة أيلاينر صفية العمري، نسيه كورة مرموش وحطيله رموش».

وتابعت ياسمين عز: «أقولك حاجة جميلة اديله القايمة يقطعها واكتبي على نفسك وصولات أمانه أو دلعيه لو أحمد قوليله حمادة ولو عادل قوليله ياولا لكن لو عمر أوعي تقوليله يا مرموش هيقتلك».

وواصلت: «أصلا بهزر معاكي جوزك ممعهوش فلوس يتجوز أصلا أخره يتفرج على ماتش أما ثانيا لو عايزة جوزك يقعد جمبك ويتفرج على الماتش وماينزلش الفجرية ادفعيله الاشتراك بيعي غويشة ولا اتنين من دهبك ولا بيعي دبلتك لو لسه موجودة أو بيعي حلقك الحمصه عشان تعمليله الاشتراك يقعد جمبك يتفرج تتونسي بيه ويتونس بيكي وأهو يلاقي حد يفش غله فيه لو المنتخب خسر لا قدر الله فالك في وشك».