مريم سعيد تثير الجدل: "شعري الأبيض بيفكرني بسنين كتير وخبرات"
أثارت الفنانة مريم سعيد الجدل، بعد أن نشرت صورة لها بشعرها الأبيض، لتكشف عن حبها واعتزازها بهذا اللون، وذلك من خلال منشور عبر حسابها الرسمي على موقع التواصل الإجتماعي فيسبوك.
حيث قالت مريم سعيد في منشورها: “شعري الابيض طول والصبغة رجعت لورا، نفسي اسيبه كله يبيض خالص، بفرح بيه وهو زي الفضة، بيفكرني بسنين كتير وظروف ومواقف وأحزان وخبرات شالت لونه”.
مريم سعيد تستغيث بسبب ظروفها المادية والصحية
في سياق آخر، قد خرجت الفنانة مريم سعيد عن صمتها لتروي ما يحدث لها خلال الفترة الماضية، وأهم الأحداث هو عدم وجود فرص عمل في مجال الفن بالإضافة إلي أزمتها الصحية، الأزمات التي جعلتها تتمنى الموت، وذلك في أحدث منشوراتها عبر حسابها الرسمي على موقع التواصل الإجتماعي فيسبوك.
حيث قالت مريم سعيد موضحة: “بقى لي كم سنة بمر بحاجات مش طبيعية وبقول معلش يمكن الظروف بحاول أصبر نفسي واقول دي حاجات عادية بتحصل لأي حد لكن الموضوع زاد معايا عن حد، حياتي ابتدت تتقفل عليا بطريقة صعبة جدا بقى عندي مشاكل طول الوقت حتى لما بشتغل بشتغل كم يوم في السنة وشغلي ده ما بيكملش معايا مصاريف باقي السنة حتى لما جاء لي شغل السنة دي اتكسرت وما بقيتش عارفة اصور باقي الشغل وتقص من شغلي كتير للأسف حزنت على الشغل اللي راح لأنه كان مصدر بالنسبة لي دخل ممكن يفك بعض الأزمات اللي عليا حصل ليه دروبات كتير جدا، بقيت اطلع من أزمة أدخل في أزمة”.
واستكملت مريم سعيد حديثها: “وأكبر أزمة مريت بيها هي أزمتي الصحية اللي اثرت على داخلي وعلى شغلي، مش عايزة ابقى بشتكي كثير عشان الناس بتزهق من اللي بيشتكي بس حقيقي بجد اللي جاي ما بقاش على قد اللي رايح والدنيا كل مدى عمالة تتخنق وتتآزم عليا بصورة صعبة جدا خسايري كترت جدا ما بقتش عارفة الاحق عليها، اتصرفت في حاجات عشان امشي المركب لكن بردو المركب عمالة بتغرق، كل ما اسد في خرم يتخرم خرم ثاني أكبر من الأولاني، حقيقي بجد أنا بقيت بتمنى اموت”.
