قبل مواجهة نيوزيلندا.. ريهام بكير تكشف نقطة ضعف مقلقة في دفاع الفراعنة
تحدثت ريهام بكير مدير تحرير موقع «نيوز رووم» عن تحليل توقعات مباراة مصر ونيوزيلندا، قائلة إن أداء فريق منتخب مصر مع بلجيكا كان جيد جدا، رغم إضاعة الكثير من الفرص.
ما يجب أن يخشاه حسام حسن
وأضافت بكير، خلال حوارها ببرنامج «الستات»، المذاع على قناة «النهار»: «في فرص كتير جت في الشوط التاني وضاعت في مباراة بلجيكا ولكن حسام حسن في الماتش دا لازم يراعي إن نيوزيلندا عندهم سرعة وتميز في القوات العالية، وعندهم أطوال، بالتالي لازم في خط الدفاع ميعتمدش على حمدي وياسر إبراهيم فقط لأنهم أقصر منهم ومحتاج رامي ربيعة أو حسام عبد المجيد، لإني شايفة إنه لازم يشارك».
لازم الماتش يفرض طريقة لعبه من البداية
وتابعت: «لازم الماتش يفرض طريقة لعبه من البداية وميجرناش لطريقة لعبهم، عشان احنا مش هنقدر نجاريهم في سباقاتهم ولا قوتهم البدنية، هما بيقدروا يستنزفوا طاقتك، بيعرفو يجروك كتير في الملعب، فتيجي بعد الشوط الأول تلاقي الطاقة استنزفت».
واختتمت: «عشان كده لازم حسام حسن يغير طريقة اللعب بحسب اللي بيحصل قدامه، يعني يغير كل نص ساعة».
في سياق متصل، قالت الكاتبة الصحفية ريهام بكير ، مدير تحرير موقع نيوز رووم، إن متابعة البطولة ليست مجرد عمل إعلامي فقط، بل هي متعة شخصية أيضا، موضحة: «بس ده بقى حب بعيدا عن الشغل كمان.. حب الكورة.. لا هو الممتع كمان إن احنا بنحب الشغل، يعني أنا كأي حد لما أتفرج على حاجة بحبها.. متابعة: يعني مليش في الأفلام ولا البرامج، فلما أتفرج على ماتشات حية دي متعة بجد أنا مستمتعة جدا بالمباراة».
فرنسا.. المرشح الأقوى
وقالت ريهام بكير ، خلال لقاء على قناة الحياة: «فرنسا داخلة على اللقب وعندها سكواد رهيب ولاعبين قادرين يخلصوا أي ماتش لكن برضه ممكن تحصل مفاجآت لأن هي والأرجنتين وصلوا للنهائي النسخة اللي فاتت فمس عايزين يفوتوها».
نجلترا بتنافس والبرازيل فقد جزء من هويته
وأوضحت: «إنجلترا مع توماس توخيل شكلها مختلف داخلين ينافسوا على المربع الذهبي على الأقل»، واستطردت قائلة: «منتخبي المفضل بعد منتخب مصر هو البرازيل، وكان الأول حلحة تانية خالص».
وتابعت: قلت قبل كده إن تعاقد الاتحاد البرازييلي مع أنشيلوتي ممكن يكون سبب في فقدان الهوية، البرازيل دلوقتي مفيش جمل تكتيكية، المهارات استعراضات الكرة، والجنل الهجومية مش موجودة.
