ريهام بكير: فرنسا داخلة تنافس على المربع الذهبي.. والبرازيل فقد جزء من هويته
قالت الكاتبة الصحفية ريهام بكير ، مدير تحرير موقع نيوز رووم، إن متابعة البطولة ليست مجرد عمل إعلامي فقط، بل هي متعة شخصية أيضا، موضحة: «بس ده بقى حب بعيدا عن الشغل كمان.. حب الكورة.. لا هو الممتع كمان إن احنا بنحب الشغل، يعني أنا كأي حد لما أتفرج على حاجة بحبها.. متابعة: يعني مليش في الأفلام ولا البرامج، فلما أتفرج على ماتشات حية دي متعة بجد أنا مستمتعة جدا بالمباراة».
فرنسا.. المرشح الأقوى
وقالت ريهام بكير ، خلال لقاء على قناة الحياة: «فرنسا داخلة على اللقب وعندها سكواد رهيب ولاعبين قادرين يخلصوا أي ماتش لكن برضه ممكن تحصل مفاجآت لأن هي والأرجنتين وصلوا للنهائي النسخة اللي فاتت فمس عايزين يفوتوها».
إنجلترا بتنافس والبرازيل فقد جزء من هويته
وأوضحت: «إنجلترا مع توماس توخيل شكلها مختلف داخلين ينافسوا على المربع الذهبي على الأقل»، واستطردت قائلة: «منتخبي المفضل بعد منتخب مصر هو البرازيل، وكان الأول حلحة تانية خالص».
وتابعت: قلت قبل كده إن تعاقد الاتحاد البرازييلي مع أنشيلوتي ممكن يكون سبب في فقدان الهوية، البرازيل دلوقتي مفيش جمل تكتيكية، المهارات استعراضات الكرة، والجنل الهجومية مش موجودة.
