«البس شورت علشان الجو حر في الأردن».. أمير المصري يكشف بداياته في هوليوود
كشف الفنان أمير المصري عن رحلته في التمثيل في هوليوود، قائلا: «هناك غصب عنك بتتحط في قالب العربي اللاجئ أو الإرهابي.. وأنا اكتشفت إنك لازم تحط نفسك في صندوق أو نمط معين لحد ما تاخد الفرصة إنك تخرج من النمط ده».
البس شورت علشان الجو حر في الأردن وهنصور كمان شهر
وأضاف، خلال استضافته في بودكاست «فايق ورايق» مع الإعلامي إبراهيم فايق: «أنا بدأت لما دخلت معهد تمثيل هناك وفي واحدة قالتلي إن في مخرج هييجي علشان يشوف ناس لفيلم وقالتلي أسجل حاجة والمخرج شافها وبعدين طلب يقابلني.. وقالي البس شورت علشان الجو حر في الأردن وهنصور كمان شهر».
فيلم ROSE WATER كان البداية
وأشار إلى أنه قدم فيلم ROSE WATER، معتبرا أن هذا الفيلم فتح له أبوابا كثيرة في الأدوار العالمية، مضيفا: «الدور ده فتح لي أبواب كتير وجاب لي مدير أعمال».
وتابع: «السيدة اللي ادتني فرصة الفيلم ده اقتنعت بيا جدا وجابت لي فرص تانية.. وقالتلي أنا عارفة إن تقديم دور عربي ملهوش تاريخ في الأحداث وظاهر يقوم بمهمة ده شيء ممل لكن ده هيعرف الناس بيك».
ولفت إلى أنه رفض أدوارا كثيرة ضد أخلاقة، مشيرا إلى أن رفض ممثل مبتدئ لأدوار في هوليوود شيء صعب للغاية.
فرصة العمل في STAR WARS
وأضاف أنه قدم عدة أدوار أخرى في هوليوود على مدار عمله لمدة 10 سنوات، أبرزها STAR WARS، لافتا إلى أن طريقة اختيار الفنانين المشاركين في هذا العمل مختلفة للغاية، قائلا: «الشركة كلمتني وقالتلي متقولش لحد خالص ولا حتى مدير أعمالك إحنا عايزينك ف دور في STAR WARS».
واستطرد: «أنا قعدت 10 أيام بصور مش فاهم بعمل إيه.. ولما طلبت اقرأ الاسكريبت قالوا لي ادخل مكان مقفول وسيب موبايلك برة واقرأ ولما تخلص اخرج مينفعش تاخد الاسكريبت».
وفي سياق الحلقة، كشف الفنان العالمي أمير المصري عن كواليس دراسته، مؤكدا أنه كان طالبا محبا للرياضيات بشكل كبير جدا على عكس العلوم، قائلا: «أنا كنت بحب الـ MATHS جدا لكن كنت فاشل في الـ SCIENCE جدا».
