هبة عبدالعزيز: بدأت كعارضة أزياء وكان حلم حياتي أكون ياسمين عبدالعزيز

قالت الفنانة هبة عبدالعزيز: «بدأت كعارضة أزياء وكان حلم حياتي أكون ياسمين عبدالعزيز ولما اشتغلت معاها كنت في حالة انبهار لأني كنت شايفة قدوتي في الحقيقة قدامي».

من زمان كان نفسي أكون عارضة أزياء

وأضافت، خلال استضافتها في برنامج «ست الستات» مع الإعلامية جاسمين طه زكي، المذاع عبر شاشة دي ام سي: «أنا من زمان كان نفسي أكون عارضة أزياء لأنه بيزود الثقة في النفس بشكل كبير وبيكسر الرهبة لما تكوني قدام الكاميرا».

 بدأت شغلي كعارضة أزياء وأنا عندي 15 أو 16 سنه

وتابعت: «أنا بدأت شغلي كعارضة أزياء وأنا عندي 15 أو 16 سنه تقريبا، وأنا كنت عايزة أبدأ قبل كدا بكتير تقريبا من وأنا طفلة.. كان في البداية مفيش تشجيع لأن مامتي كانت خايفة شوية، لكن بعد كدا قررت تطاوعني وأخدت كورس مع أمينة شلباية».

 لو تخنت كيلو كنت بدفع غرامة

وأردفت: «أول فلوس جاتلي من الشغل دفعت بيها بقية فلوس الكورس ده وأخدت الفرق.. وكملت وسافرت فرنسا اشتغلت 5 سنين عارضة أزياء والشغل صعب جدا هناك لو تخنت كيلو كنت بدفع غرامة».

وجبة خفيفة كل ساعتين.. روشتة سحرية للحفاظ على الوزن

كما كشفت عن طريقة حفاظها على وزنها، قائلة: «باكل حاجة خفيقة كل ساعتين ده بيزود معدل الحرق ومفيش حرمان خالص».

وخلال الحلقة، قدمت الإعلامية جاسمين طه ذكي نصائح للتعامل مع طلاب الثانوية العامة، قائلة: «قبل أي حاجة لازم نعرف إن الثانوية العامة محطة مهمة لكنها مش نهاية حياة الإنسان.. والنتيجة مجرد رقم».

الثانوية العامة ليست نهاية المطاف

وأضافت، خلال حلقة اليوم من برنامج «ست الستات» المذاع عبر شاشة دي ام سي، أن الثانوية العامة ليست نهاية حياة الإنسان.

وتابعت: «أهم شيئ إن الأهل يدعموا أولادهم تحت أي ظرف وميضغطوش عليهم علشان الثانيوة العامة محطة مهمة جدا لكنها مش المحطة الأهم في حياتهم».

وأشارت إلى أن البرنامج سيستضيف متخصصين للنقاش في الهذا الموضوع في حلقة يوم الجمعة المقبلة.