محمد دياب يكشف سبب رفضه لقاء توم هانكس: خوفت يقنعني بمشروعه
كشف المخرج محمد دياب عن تفاصيل رفضه لفيلم للفنان العالمي توم هانكس، قائلا: «أنا مش بسميه رفض هو أنا لما شوفت الورق عرفت إن أنا مش هعرف أعمله خالص».
تخيل لو أنا عملت حاجة لتوم هانكس وحش
وأضاف، خلال استضافته في برنامج «ضيفي» مع الإعلامي معتز الدمرداش، المذاع عبر شاشة الشرق: «أنا مكنتش فاهم الفيلم.. تخيل لو أنا عملت حاجة لتوم هانكس وحش، هتفضل في تاريخي بقية حياتي هو ده اللي بوظ فيلم توم هانكس».
وتابع المخرج محمد دياب: «حتى هما قالولي قابل توم هانكس.. قولتلهم مش هقابله وهرفض المشروع لأني لو قعدت معاه هوافق»
محمد دياب يشيد بـ فيلم برشامة
في سياق آخر، قد أعرب المخرج محمد دياب عن إعجابه الكبير بـ فيلم برشامة، وذلك في منشور له على موقع التواصل الاجتماعي فيس بوك، حيث وصفه بأنه من أبرز الأعمال الكوميدية التي شاهدها مؤخرا.
هديه العيد السنة دي هي فيلم برشامه
وقال محمد دياب على صفحته: «هديه العيد السنة دي هي فيلم برشامه، الفيلم بينضم عندي للناظر وطير إنت والحرب العالمية الثالثة، كأكتر أفلام معاصرة ضحكتني، خطير جدًا كتابة وإخراج وتمثيل وديكور وتصوير وملابس وصوت وموسيقى كل عناصر الفيلم معمولة بإتقان».
أضاف: «مبروك لخالد وشيرين دياب على التأليف والإخراج المميز جدًا، بتعملوا حاجات أنا معرفش أعملها وده بيخليني أنبهر كل مرة، مبروك لهشام ماجد على دوره المختلف، ومبهور إزاي أنت أكتر واحد بيدي فرص لزمايله، مبروك على الأدوار المميزة لمصطفى غريب، حاتم صلاح، باسم سمرة، ريهام عبد الغفور، فاتن سعيد، ميشيل ميلاد، عارفة عبد الرسول، وليد فواز».
اتفرجوا على برشامه على ضمانتي
تابع محمد دياب: «مبروك لأحمد الزغبي، أخويا اللي لم تلده أمي، المؤلف الشاطر واللي قريب هيبقى مخرج مميز جدًا، مبروك لأحمد بدوي، ولأحمد دسوقي صديق العمر والمنتج الفنان، واللي بيمثل لي المنتج الحقيقي اللي اهتمامه بالدراما والمحتوى أهم من اهتمامه بالربح — بس المرة دي عملت فيلم هيتحقق فيه الاتنين إن شاء الله، اتفرجوا على برشامه على ضمانتي».
