هبة عبدالعزيز: ممكن أرفض دور كبير لو مش شايفة إنه هيعمل تأثير مع المشاهد

كشفت الفنانة هبة عبدالعزيز، عن كيفية اختيارها لأدوارها الفنية، قائلة: «معايير اختياري بيكون مثلا مخرج كويس أو فنان زميل أنا حابب اشتغل معاهم مثلا أو دور عارفة إني هسيب فيه تأثير».

التأثير أهم من حجم الدور

وأضافت، خلال استضافتها في برنامج «ست الستات» المذاع عبر شاشة دي ام سي، مع لإعلامية جاسمين طه زكي: «ممكن يجيلي دور كبير مبقاش شايفة نفسي فيه خالص أو مش هسيب تأثير.. ممكن أقبل دور تاني صغير جدا لكن عارفة إني هعمله وهطلع معلمة جامد مع المشاهد وسايبة تأثير».

وأشارت إلى أنها لم يسبق لها وندمت على أي دور رفضته، مضيفة: «الحمدلله أنا عمري ما رفضت أي دور وندمت خالص».

وخلال حديثها، كشفت الفنانة هبة عبدالعزيز عن بداياتها في عالم الفن، وقالت: «بدأت كعارضة أزياء وكان حلم حياتي أكون ياسمين عبدالعزيز ولما اشتغلت معاها كنت في حالة انبهار لأني كنت شايفة قدوتي في الحقيقة قدامي».

من زمان كان نفسي أكون عارضة أزياء

وأضافت، خلال استضافتها في برنامج «ست الستات» مع الإعلامية جاسمين طه زكي، المذاع عبر شاشة دي ام سي: «أنا من زمان كان نفسي أكون عارضة أزياء لأنه بيزود الثقة في النفس بشكل كبير وبيكسر الرهبة لما تكوني قدام الكاميرا».

بدأت شغلي كعارضة أزياء وأنا عندي 15 أو 16 سنه

وتابعت: «أنا بدأت شغلي كعارضة أزياء وأنا عندي 15 أو 16 سنه تقريبا، وأنا كنت عايزة أبدأ قبل كدا بكتير تقريبا من وأنا طفلة.. كان في البداية مفيش تشجيع لأن مامتي كانت خايفة شوية، لكن بعد كدا قررت تطاوعني وأخدت كورس مع أمينة شلباية».

لو تخنت كيلو كنت بدفع غرامة

وأردفت: «أول فلوس جاتلي من الشغل دفعت بيها بقية فلوس الكورس ده وأخدت الفرق.. وكملت وسافرت فرنسا اشتغلت 5 سنين عارضة أزياء والشغل صعب جدا هناك لو تخنت كيلو كنت بدفع غرامة».

وجبة خفيفة كل ساعتين.. روشتة سحرية للحفاظ على الوزن

كما كشفت عن طريقة حفاظها على وزنها، قائلة: «باكل حاجة خفيقة كل ساعتين ده بيزود معدل الحرق ومفيش حرمان خالص».