بعد حملة الهجوم عليها.. تامر حسني يساند إيناس عز الدين والأخيرة ترد |فيديو
حرص المطرب تامر حسني على أن يدعم المطربة إيناس عز الدين خاصة بعد تعرضها لحملة هجوم كبيرة بعد نجاح أحدث أغانيها “زينة الخلايق”، وذلك من خلال تعليق على منشورها عبر مواقع التواصل الإجتماعي.
تامر حسني يدعم إيناس عز الدين
حيث قال تامر حسني في تعليقه: “لسه شايف الفيديو ده بالصدفة، إيناس حببتي اللجان اللي بتتعمل ضدك من الناس اللي مش حابين نجاحك، أحب أطمنك عندي أكتر منهم بمليون مرة وبيحاربوني من 20 سنة، وعرفت أبقى والحمدلله تامر اللي حلم وحقق حلمه بفضل الله، أنشفي يا بنت”.
رد إيناس عز الدين على تامر حسني
لترد عليه إيناس عز الدين قائلة: “أنا أكتر واحدة محظوظة على وش الأرض أني ألاقي كومنت زي ده من نجم بفنه، وقبل فنه هو نجم بمواقفه وأخلاقه وشهامته، الجميل تامر حسني لما ألاقي الكومنت الجميل ده على الفيديو بتاعي، ربنا يجعلك سبب في سعادة الناس وتكون دايمًا داعم ليهم، ده مش أول موقف ليك معايا بيبين معدنك الطيب، والأحلى من كده أنك خلتني أقعد أفكر أني مش أنا لوحدي اللي حاسة الإحساس البشع ده، وأنا ناشفة وشعري شاف أحنا قدام في الشغلانة بردو”.
إيناس عز الدين تتعرض لهجوم شديد
وقد خرجت الفنانة إيناس عز الدين عن صمتها لتواجه حملة هجوم عنيفة عليها، بالتزامن مع إطلاق ونجاح أغنيتها الأخيرة التي تحمل عنوان “زينة الخلايق”، وجاء الهجوم بعد أن نشرت فيديو احتفالًا بالأغنية لتلقى عدد كبير من التفاعل عليه بواسطة رمز “غاضب”، مما يجعل محتواها لا ينتشر.
وعلقت على ذلك إيناس عز الدين عبر حسابها الرسمي على موقع التواصل الإجتماعي فيسبوك، حيث قالت: “تفتكروا مين ممكن يكون نجاحي بعد سنين تعب وشقى وتعب ومستشفيات ووجع وكسرة قلب وحاجات كتير خسرتها واتحرمت منها و كسرت ضهري مين ممكن يكون مستكتر عليا الفرحة وعايز يأذيني ويوقف نجاحي لدرجة انه يدفع دم قلبه وفلوسه للجان زي ما انتوا شايفين كده كلها افارقة واجانب علشان يوقع شغلي و يكسر فرحتي بنجاحي ؟، حسابي بيتعرض لحملة ريبورتات و لجان زي ما انتوا شايفين هاجمين على كل البوستات عندي، هستأذنكم لأول مرة أطلب الطلب ده انا محتاجة دعمكم فعلاً علشان تعب و شقى سنين عمري ما يضيعش هدر ساعدوني و اعملوا شير ولايك و كومنتات على كل بوستات وفيديوهات الأغنية الاخيرة و ادخلوا اتفرجوا على قذارة النفوس ممكن تعمل في البشر ايه و تخليهم يدفعوا دم قلبهم علشان يدمروا غيرهم ازاي”.
