بعد نجاح أغنيتها الأخيرة.. إيناس عز الدين تتعرض إلي حملة هجوم عنيفة
خرجت الفنانة إيناس عز الدين عن صمتها لتواجه حملة هجوم عنيفة عليها، بالتزامن مع إطلاق ونجاح أغنيتها الأخيرة التي تحمل عنوان “زينة الخلايق”، وجاء الهجوم بعد أن نشرت فيديو احتفالًا بالأغنية لتلقى عدد كبير من التفاعل عليه بواسطة رمز “غاضب”، مما يجعل محتواها لا ينتشر.
إيناس عز الدين تتعرض لهجوم شديد
وعلقت على ذلك إيناس عز الدين عبر حسابها الرسمي على موقع التواصل الإجتماعي فيسبوك، حيث قالت: “تفتكروا مين ممكن يكون نجاحي بعد سنين تعب وشقى وتعب ومستشفيات ووجع وكسرة قلب وحاجات كتير خسرتها واتحرمت منها و كسرت ضهري مين ممكن يكون مستكتر عليا الفرحة وعايز يأذيني ويوقف نجاحي لدرجة انه يدفع دم قلبه وفلوسه للجان زي ما انتوا شايفين كده كلها افارقة واجانب علشان يوقع شغلي و يكسر فرحتي بنجاحي ؟، حسابي بيتعرض لحملة ريبورتات و لجان زي ما انتوا شايفين هاجمين على كل البوستات عندي، هستأذنكم لأول مرة أطلب الطلب ده انا محتاجة دعمكم فعلاً علشان تعب و شقى سنين عمري ما يضيعش هدر ساعدوني و اعملوا شير ولايك و كومنتات على كل بوستات وفيديوهات الأغنية الاخيرة و ادخلوا اتفرجوا على قذارة النفوس ممكن تعمل في البشر ايه و تخليهم يدفعوا دم قلبهم علشان يدمروا غيرهم ازاي”.
صدمة إيناس عز الدين
في سياق آخر، قد كشفت المطربة إيناس عز الدين عن صدمتها في أقرب ناس لها خاصة بعد طرح أحدث أغانيها “زينة الخلايق”، وذلك من خلال منشور عبر حسابها الرسمي على موقع التواصل الإجتماعي فيسبوك.
حيث قالت إيناس عز الدين: “في اللحظة اللي هتعمل فيها حاجة حلوة مهمة تتقدم بيها خطوة تغير مجرى حياتك و تعمل فرق كبير في مشوارك و تغير مسار مستقبلك هتلاقي ناس كتير بتشاركك فرحتك بكل طاقتهم و من قلبهم و ملتفين حواليك بيشجعوك و فرحانين لفرحك و بيباركولك و يهنوك و يساندوك علشان يدفعوك دفعة قوية للأمام و يحطوك في الحتة الصح اللي شايفينك تستاهلها و داعمينك بكل قوتهم .. بس مش هتلاقي بينهم اكتر ناس كنت فاكرهم اول ناس هيبقوا جنبك بيدعموك، و في اللحظة دي أعِد ترتيب مقامات الناس في حياتك”.
واستكملت إيناس عز الدين حديثها قائلة: “شكراً لكل الناس اللي داعميني من قلبهم من امبارح من لحظة نزول الكليب احد دلوقتي ولسه مكملين معايا و بيباركولي بحب و اللي عملوا شير للاغنية و اللي عملوا فيديوهات عليها على تيك توك و اللي عملوا ليها تصميمات جميلة اهداء و اللي بيشيروها في كل حتة و الحمد لله الاغنية بتسمع و طالعة بسرعة انا مش مصدقاها بس فرحانة قوي بيها و بشكركم من كل قلبي ولسه مكملين، يسعدلي صباحكم”.
