تامر عبدالمنعم ينفي شائعة وفاته: المحامي ياسر قنطوش سيتخذ الإجراءات القانونية
نفى الفنان تامر عبدالمنعم وكيل وزارة الثقافة ورئيس البيت الفني للفنون الشعبية والاستعراضية خبر شائعة وفاته والتي تم تداولها خلال الساعات الماضية على منصة تيك توك.
إجراءات قانونية من تامر عبدالمنعم ضد مروجي شائعات وفاته
ومن جانبه كلف الفنان تامر عبدالمنعم المستشار القانوني له المحامي ياسر قنطوش بإتخاذ الإجراءات القانونية اللازمة حيال أصحاب الحسابات التي نشرت وتداولت الشائعة وكتب على إحدى الفيديوهات المنتشرة ان جنازته ستخرج من كنسية المرعشلي.
وتسآل "عبدالمنعم" حتى لو أنا موت هطلع ازاي من كنيسة المرعشلي.
شائعات وفاة تامر عبدالمنعم
وظهر تامر عبدالمنعم خلال بث مباشر على صفحته الرسمية، قائلا: “فجأة وأنا في المسرح، عندي عرض مسرحي، وفجأة لقيت عدد مش طبيعي من الاتصالات والرسائل، لدرجة إن التليفون كان بيرن بشكل غير طبيعي، وكل الناس تقريبا بتسألني نفس السؤال: انت كويس؟ انت عايش؟”.
وأضاف: “لما رديت على المكالمات عرفت إن في فيديو منتشر على تيك توك بيقول إني مت، وبيقولوا كمان كلام غريب جدا زي إني خرجت من المرعشلي، وده كلام مش منطقي ومش حقيقي خالص”.
وتابع بانفعال واضح: “الفكرة نفسها صعبة جدا، إن حد يقول على حد إنه مات وهو عايش، دي كلمة تقيلة جدا على السمع، وتقيلة على القلب، وبتأثر على أي إنسان طبيعي”.
وأضاف: “تخيلوا إن الموضوع وصل لأهلي وولادي، بناتي، وناس قريبة مني، وده خلاني أكون في حالة صعبة، لأن في ناس ممكن تتأثر فعلا بالكلام ده، وفيه ناس عندها ظروف صحية ممكن تتأذى”.
ابني آدم حس بالزعل وادايق جدا
وقال: “أنا مش روبوت، أنا بني آدم بحس وبزعل وبدايق، وبشوف الكلام اللي بيتقال عني، ومش طبيعي أبدا إن الخلاف في الرأي يوصل لإشاعات موت وتشويه بالشكل ده”.
