«الاستفزاز زاد».. تامر أمين يوجه رسالة حادة لهواة تصوير مناسك الحج
انتقد الإعلامي تامر أمين تصوير كل مناسك الحج ، قائلا: «في بعض الناس حولوا الحج إلى الحج FILM FESTIVAL.. حاليا الحج لمن اسطاع إليه سبيلا جدا وغالي، استغل كل دقيقة فيه.. مفيش مانع نصور لكن مش للدرجة دي هو مش مهرجان يعني».
كل شيئ بيزيد عن حده بيتقلب وبيستفز الناس
وأضاف، خلال حلقة اليوم من برنامج «آخر النهار» المذاع عبر شاشة النهار: «التصوير شوية عادي لكن كل شيئ بيزيد عن حده بيتقلب وبيستفز الناس».
السوشيال ميديا غيرتكل شيئ لكن لا يجب إن تغير هذا الطقس شديد الروحانية
وتابع: «أنا عارف إن السوشيال ميديا غيرت حاجات كتير جدا لكن لا يجب إنها تغير الطقس شديد الروحانية والخصوصية ده كمان يعني.. الفريضة دي يجب أن تبقى لها خصوصيتها واحترامها.. دي نصيحة مش انتقاد ولا هجوم ولا ذنب».
تامر أمين عن بعض الأشخاص التي تركز في حياة الآخرين
وفي وقت أخر، تحدث الإعلامي تامر أمين عن بعض الأشخاص التي تركز في حياة الآخرين متجاهلة النظر في ورقتها، قائلا: «لازم يبقى في شوية دم وشوية حساسة لازم كل واحد يخليه في ورقته ويركز في حاله شوية، الوقت اللي بتقضيه في البص على ورقة فلان، لو انت قضيته وركزت في ورقتك كنت طلعت الأول، بطل تبص على فلوس ورزق وحياة غيرك».
مهاجمة أعداء النجاح وحزب الفاشلين
وأضاف، خلال تقديم برنامجه «آخر النهار»، المذاع على قناة «النهار»: «أعداء النجاح وحزب الفاشلين والحاقدين بيفكروا طول الوقت إنه يفشل غيره ويشوه سمعته، الناس مركزة في حياة الناس أكتر مما ينبغي الناس، في مثل بيقول المساواة في الظلم عدل، دا مثل أعطى براح للظالمين».
ركز في ورقتك والله هتنجح
وتابع: «فكرة العين المدبوبة والتركيز مع الآخرين مودي كتير مننا في داهية، ركز في ورقتك والله هتنجح ومش هتبقى محتاج تبص لما في أيدي الآخرين».
في وقت سابق، أشاد الإعلامي تامر أمين بذكاء الدولة المصرية في استقبال الرئيس الفرنسي إيمانيول ماكرون، قائلا: «الرئيس كان ممكن يجي يفتتح الجامعة ويقول كلمتين ويمشي وخلاص.. لكن الذكاء المصري ظهر في التسويق لمصر».
