ياسمين عز: أنا متعاطفة مع الرجالة قلبا وقالبا في موضوع الرؤية

ناقشت الإعلامية ياسمين عز خلال حلقة اليوم من برنامج «كلام الناس»، قانون الأحوال الشخصية، وأبرز النقاط المثيرة للجدل، وحل ضيفا في الحلقة الدكتور أيمن محسب، وكيل لجنة الشؤون الاقتصادية بمجلس النواب، والمحامي علي صبري عسكر، والنائبة فاطمة عادل، عضو مجلس النواب.

رسالة متصل

وخلال الحلقة، وردت مكالمة من متصل «محمد» من الجيزة قال فيها: أهل مراتي دمروني.. أنا موظف حكومة وبدفع النفقة ومش ممتنع، بسافر لمركز الشباب في طنطا عشان أشوف بنتي وساعات مابيجيبوهاش.. ده يرضي ربنا؟

ياسمين عز: أنا متعاطفة مع الرجالة

وردت الإعلامية ياسمبن عز: ميرضيش ربنا، ومينفعش.. أنا قلبا وقالبا متعاطفة مع الرجالة في موضوع الرؤية، البرنامج ده مفيش فيه غير مكالمات من رجالة مش عارفة تشوف أولادها.

وفي حلقة سابقة، علقت الإعلامية ياسمين عز على قانون الأسرة الجديد والذي يتمثل في أنه من حق الزوجة فسخ عقد الزواج خلال أول 6 أشهر في حالة ثبوت الزوج أن يدعي على نفسه صفات غير حقيقية، قائلة:«يعني بدل مانحل مشاكل الأسرة نعمل مشاكل جديدة للراجل». 

وأضافت، خلال برنامج «كلام الناس» المذاع على قناة إم بي سي مصر، «الراجل مقهور وهيهج من البلد ويمشي وفي بندين في القانون مضايقيني جدا والبند الأول الخاص بإدعاء الزوج بصفات غير حقيقية يعني لو عمل كده تقوم الزوجه مدياله واحده إنت طالق». 

ياسمين عز تهاجم المرأة 

وتابعت: « طب ما هي الست قبل الجواز شغاله كذب وتدليس وبتدعي إنه فيها ماليس فيها وتقوله أنا طباخة بريمو وأما يتجوزها يصحى تاني يوم الرز معجن وشايط وتقوله ده أنا هعيشك عيشة حب وهنا وتاني يوم النكد والبوذ قد الزلومة». 

واستكملت: « يعني إيه الست تفسخ عقد الجواز أول 6 شهور لو الراجل ادعى ما ليس فيه افرض اتنحس لما اتجوزها، وكدة لما البروتين والكرياتين يدوب ويشوف سلك المواعين يعمل محضر غش تجاري». 

وكشفت المذكرة الإيضاحية لمشروع قانون الأسرة الجديد، المقدم من الحكومة إلى البرلمان، عن حالتين تسقطان حق الزوجة في طلب فسخ عقد الزواج، وذلك ضمن حزمة من الأحكام الجديدة التي تستهدف تنظيم العلاقات الأسرية وتحديث تشريعات الأحوال الشخصية بما يتواكب مع التطورات الاجتماعية والقانونية الحديثة.