ياسمين عز: لاعيبة الزمالك عندهم صحة غريبة جدا وعاملين زي القطر القشاش
قالت الإعلامية ياسمين عز، «الزمالك ده حبيب قلبي من جوا أنا بقالي يومين مش عارفة أنام قلقانه وكل ده عشان الزمالك هيلعب نهائي الكونفدرالية الإفريقية».
وأضافت، خلال برنامج «كلام الناس» المذاع على قناة إم بي سي مصر، « إحنا شايفين الفترة اللي فاتت الزمالك ماشي زي القطر القشاش اللي مبيقفش في محطات نازل واكل طالع واكل مبيخسرش مبيتعادلش لا فارق معاه إصابات ولا صفقات ولا حوارات ولا حكام ولا إيقاف قيد».
وتابعت: « ماشيه معاه زي السكينة في الحلاوة بيكسب في الدوري وبيكسب في أفريقيا مفيش في قاموسه تعادل ولا خسارة يا يكسب يا يكسب واحتل منطقة مدينة الانتاج الإعلامي اي ده في حظ كده في الدنيا ليه السنه دي عاملين اي و اي كل الحظ ده واي الصحة دي اللاعيبة فيها صحة غريبة جدا».
واستكملت: « بيزيرا بيرقص أي حد ده لو شغال مع حكيم أو رضا البحراوي مش هيعمل كده».
ياسمين عز تهنئ الزمالك على فوزه
وفي سياق آخر، قالت الإعلامية ياسمين عز، خلال حلقة اليوم من برنامج «كلام الناس» المذاع عبر شاشة ام بي سي مصر: «ببارك من كل قلبي وبمنتهى جوارحي لنادي الزمالك على فوزه في نص الكونفدرالية، وأنا قلبي ابيض زي لون فنلتكم نادي الزمالك فريق كبير وفريق عظيم ولو تديله عمركم او حتى نصه برده قليل».
وفي سياق متصل، علقت الإعلامية ياسمين عز، على اقتراح رخصة الجواز للشباب، قائلة: «حد اقترح إنه الشباب لازم ياخدوا رخصه للجواز قبل ما يتجوزوا طب والبنات تعمل ايه بقا تخش بطولها منغير رخصه».
وأضافت، خلال حلقة اليوم من برنامج «كلام الناس» المذاع عبر شاشة ام بي سي مصر: «طب إيه يعني عايزين الراجل يبقى بيعرف يعمل إيه ،دي رخصة لأيه يعني ما هو يعرف كل حاجه وعنده فكره عن كل حاجه، أنا همتحنه في أيه أقول له دوق الرز شايط ولا لا».
وتابعت: «كلام أنا مش حباه خالص الشاب المصري عندنا جاهز من مجاميع وهو بنفس الرخصه ومش محتاج ياخد رخصه ده هو يقعد ويعمل امتحان ويدي للناس رخصة وأنا مش قابله الكلام ده وهنعمل نفسنا مسمعناش الكلام ده يا إما نعمل مساواه، وبعدين الراجل أصلا خلقه في مناخيره ومش لاقي يتجوز اعملوا الكلام ده في البلاد البارده في روسيا أو سويسرا معندناش أصلا حد هيتجوز»
