آن الرفاعي: مش بحب النفاق وأكتر حاجة بتقفلني من الراجل الكدب
قالت مصممة الأزياء آن الرفاعي: «بلاش نقول استحالة اللي قدامنا ده يعمل كذا ونصدق اللي بيتقال لينا.. مينفعش الست تعتمد على حد في حياتها لازم تشتغل ويبقى ليها كيانها».
مش بحب النفاق كنت فاكرة ده عيب بس طلع ميزة
وأضافت، خلال استضافتها في برنامج «الستات ميعرفوش يكدبوا» المذاع عبر شاشة سي بي سي: «مش بحب النفاق ولا إني أمشي حالي بحب الصراحة
كنت فاكرة ده عيب بس طلع ميزة».
وتابعت: «أكتر حاجة بتقفلني من الراجل إنه يكون كداب ويهرب من المشاكل.. واللي بيعجبني في الراجل إنه يكون راجل بجد مش كداب».
وفي وقت سابق، علقت مصممة الأزياء آن الرفاعي، طليقة الفنان كريم محمود عبدالعزيز، على الوقائع الأخيرة، لمعاناة كثير من النساء، عبر حسابها الرسمي على موقع تبادل الصور والفيديوهات الشهير "إنستجرام".
وكتبت آن الرفاعي، قائلة: "حسبي الله ونعم الوكيل في كل شخص كان سبب بشكل مباشر أو غير مباشر إنه يوصل إنسان للمرحلة دي، مفيش وجع أصعب من إن روح توصل لليأس لدرجة إنها تنهي حياتها".
وتابعت آن الرفاعي، قائلة: "أصعب عقاب ممكن يعيشه أي إنسان، هو إنه يفضل شايل ذنب إنه كان سبب في كسر روح حد للدرجة دى، الذنب ده تقيل وما بيتنسيش".
وأضافت آن الرفاعي، قائلة: "اللي عنده ضمير بجد المفروض ما يعرفش ينام مرتاح ولا يعيش يوم عادي بعد كده لأن الظلم لما يوصل لإنه ياخد روح، بيبقى أقسى من أي عقاب".
واختتمت آن الرفاعي، باستشهادها لآية قرآنية: "وَلَا تَحْسَبَنَ اللَّهِ غَافِلَا عَمَّا يعمل الظالمون إنما ج يُؤَخِّرُهُمْ لِيَوْمٍ تَشْخَصُ فِيهِ الأبصار".
وفي وقت أخر، أثارت مصممة الأزياء آن الرفاعي طليقة الفنان كريم محمود عبد العزيز، خلال ظهورها الأخير مع الإعلامية “رضوى الشربيني” في حلقة برنامجها الشهير "هي وبس"، تفاعلا واسعا على منصات التواصل الاجتماعي.
وخلال الحلقة قدمت رضوى الشربيني رسالة مباشرة لجمهورها حول شروط اختيار الأصدقاء، مؤكدة أن الصداقة الحقيقية تتجلى في المواقف الصعبة قبل الأوقات السعيدة.
وانتشر هذا المقطع بشكل كبير على مواقع التواصل الاجتماعي، تحت اسم #وهو_الصاحب_إيه_غير_سند.
