بعد جدل حبس الزوج وتغريمه 30 ألف جنيه.. ياسمين عز: ده مش تاجر سلاح
علقت الإعلامية ياسمين عز، على مشروع قانون مقدم يحتوي على أن الزوج الذي لم يخبر زوجته الأولى بالزواج عليها زوجه ثانية هيتحبس 3 أشهر وغرامة 30 ألف جنيه، قائلة: « ده كلام يا جماعه يعني نزعل كده الناس مننا يعني الراجل لو راح اتجوز ومقالش ويتحبس ويدفع ولو طلق ومدفعش النفقة يتحرم من السفر ويتحط على قوائم ترقب الوصول».
وأضافت، خلال برنامج كلام الناس المذاع على قناة إم بي سي مصر، «إنتي لو متجوزة رئيس عصابه مش هنعمل فيه كده ده واحد اتجوز وطلق هو مش تاجر سلاح بنندم الراجل ليه إنه يتجوز أكثر ماهو ندمان وبعدين اي يا مدام يرضيكي تحبسي جوزك وتدفعيه 30 ألف جنيه عشان أتجوز من غير ما يقولك أنا عارفة أنه يرضيكي ».
وأوضحت: « هو اي اللي مضايقك بالظبط يا مدام أنه اتجوز عليكي واحده تانيه ولا إنه اتجوز من غير مايقولك لأنه تفرق وبعدين مش يمكن نسي جلا من لا يسهو ياستي والإنسان بطبعه نساي».
وفي سياق آخر، علقت الإعلامية ياسمين عز، على جدل مستريح المكملات الغذائية وهو أن أحد الأشخاص استطاع اقناع مجموعه من الأطباء أنه عنده مشروع استثماري ناجح في مجال المكملات الغذائية وطلب منهم يشاركوه بفلوسهم مقابل أرباح شهرية مغرية، قائلة: « المستريح حصل من الأطباء على مبلغ 800 مليون جنيه يعني فاضله 200 ويبقى مليار والمستريح كان مركز على الأطباء لأنه انتو عارفين أنه الدكاترة عندنا أغنياء ودخلهم كبير فقالك بقا الحاجات دي بالنسبه لهم شوية فكة وإنه الموضوع مرتبط بالنشاط الطبي والمجال الطبي وده خلى الثقة تزيد».
ماطل في دفع الأرباح واختفى
وأضافت ياسمين عز، خلال برنامج كلام الناس المذاع على قناة إم بي سي مصر، « بعد فترة لما بدأ أنه ميديهمش أرباح ويماطل في دفع الأرباح واختفى بشكل مفاجئ واتضح إنه نصاب وهرب برا مصر واستولى على 800 مليون جنيه أو أكثر ده خلى الضحايا الأطباء المحترمين يتقدموا ببلاغات رسمية في قسم شرطة العمرانية وفي كلام أنه عدد الأطباء اللي قدموا بلاغات تخطي الـ 100 طبيب».
