ماذا فعلت ياسمين عز بـ «البلاص الصعيدي»؟.. لقطات عفوية مع المطرب حجازي متقال

استضافت الإعلامية ياسمين عز المطرب الشعبي حجازي متقال في برنامجها «كلام الناس» على قناة «MBC مصر»، وتضمن اللقاء فقرة تناولت بعض ملامح الفلكلور الصعيدي.

حجازي متقال مع ياسمين عز

وخلال الحلقة، قدم حجازي متقال هدايا لياسمين عز، عبارة عن «بلاص» مزخرف بألوان مبهجة و«نبوت»، وحيث أعربت ياسمين عن سعادتها بالهدايا قائلة: «والله فاجأتني بيه، شكرا على البلاص.. جميل جدا والحاجات الفلكلورية حلوة أوي.. بس لما اديتني النبوت.. تقيل أوي يا ريس.. ده تقيل جدا ده أنا كنت هقع بيه».

ومن جانبه، رد حجازي متقال وموضحا قيمة العصا في الصعيد: «ده كدة تقيل؟ ده أخف حاجة.. أنتي بس ما شاء الله رقيقة»، متابعا: «هو الصعيدي بيبقى مولود من بطن أمه كدة عارف يمسك العصاية ويرقص بيها.. ده أساسي، العصاية في الصعيد من الحاجات الأساسية».

وفي وقت سابق، علقت الإعلامية ياسمين عز على خروج النادي الأهلي من البطولة الأفريقية واستمرار نادي الزمالك في مشواره بالكونفدرالية، معبرة عن صدمتها واستفزازها من النتائج الأخيرة بأسلوبها المعهود.

حالة إنكار وصوت عالي

وقالت ياسمين عز خلال برنامجها «كلام الناس» المذاع على شاشة «MBC مصر»، إنها استيقظت وهي تشعر بعدم التصديق، قائلة: «صحيت الصبح كنت في حالة إنكار إن الأهلي خرج من أفريقيا والزمالك مكمل في الكونفدرالية»، متابعة: «الأهلي محتكر الـ+90 وبيكسب أفريقيا كأنها دورة رمضانية.. أنا مستفزة ومتنرفزة عشان السبب ده وصوتي عالي من الصبح.. هذا لا يصدقه عقل».

دعم الزمالك في مواجهة شباب بلوزداد

ورغم انفعالها، وجهت ياسمين عز رسالة دعم لنادي الزمالك، مؤكدة على ضرورة وقوف الجميع خلف الفريق كونه يمثل مصر، وقالت: «الزمالك فريق مصري وهكسب شباب بلوزداد.. إحنا عايزينه ياخد أي حاجة كفاية اتاخد منك حاجات كتير منها إمام عاشور وزيزو».

وتمنت ياسمين للفارس الأبيض بالاستمرار في مشواره القاري، قائلة: «بالتوفيق والنجاح للزمالك»، في إشارة منها إلى رغبتها في تعويض الجماهير البيضاء عن الأزمات السابقة التي مر بها الفريق.

وفي وقت سابق، قالت الإعلامية ياسمين عز: «بمناسبة الربيع أو عيد الفسيخ بننصح الناس متتقلش ومتجيش واحدة تقول منتهي الصلاحية، صلاحية إيه يا مدام؟ هو أصلًا سمكة متعفنة متهللة، ياريتها منتهي الصلاحية، ده هو عدى مرحلة الصلاحية وطلع منه دودو صغنطوطو، كلي ما تبقى من الجثة بقى ودخلي البكتيريا النافعة والغير نافعة خليهم يتقابلوا ويعملوا كومباوند مع بعض، ويا سلام لو أنتِ حامل في الشهر الثالث، يسلوا النونو».