رسالة مريض قلب تبكي حسام موافي: والدتي رجليها مبتورة وخايف اسيبها

قال الدكتور حسام موافي، أستاذ طب الحالات الحرجة، إنه تلقى رسالة كادت أن تجعله يبكي أثناء قراءتها، مضيفا لأن هذه الرسالة وردت من مصطفى الريان: «السلام عليكم يا دكتور حسام، أنا عمري 41 سنة، متزوج منذ سنتين، بعد الزواج بشهرين اكتشفت عندي هبوط القلب 3 سم و2 مللي، عيب خلقي، ومشكلة شريان تاجي، انسداد بسيط وأتعايش معه، لكن الدكتور قال لازم عملية قلب مفتوح بعد ما عملت قسطرة، الكلام ده من سنة».

أمي مريضة وعاملة بتر ولا تتحرك

وأضاف السائل: «أنا مؤجل كل ده لأني أرعى أمي، أمي مريضة وعاملة بتر ولا تتحرك، أقوم بتغيير ملابسها وحمامها وأدويتها ومتابعتها لأنها أهم مني ما دمت أستطيع أن أكمل.. بعد ما سمعت حضرتك أن العملية بسيطة فرحت، لكن بصراحة عندي نسبة خوف، وكمان ما أقدرش أسيبها فترة الشهر الكامل التي سأعمل فيها العملية، أنا في حيرة، والله المستعان. 

وطلب الدكتو حسام موافي من كل المشاهدين تقديم تحية لهذا الرجل، مضيفا: "عنده عملية قلب مفتوح هو مش عايز يعملها، هو مش خايف من العملية، هو خايف يغيب في المستشفى.. مين اللي هيخدم أمه؟".

حسام موافي: حذارِ ما تعملش العملية

ونصحه الدكتور حسام موافي بقوله: حذارِ ما تعملش العملية، أمك لو عرفت هتزعل جداً، طيب عدم عمل العملية يخليك معرض لخطورة منها فقدان حياتك، مين اللي هيخدم أمك لو جرى لك حاجة؟ أنت بالعكس يا مصطفى، أنت تحافظ على نفسك عشان خاطر أمك، وبعدين أنت متزوج، سهل جدا جدا أن حد يقوم بهذه الخدمة، وبعدين مين قال لك إن العملية تاخد شهر؟ ده 5 أيام".

وواصل موافي: اللي هيخدم أمك هيخدمها لمدة نصف شهر بدالك، تكون خفيت وترجع تخدمها بصحة، القلب ده عيب خلقي أنت مولود به، لكن الخطر هو الشريان التاجي، الشريان التاجي عملت قسطرة وقال لك محتاج قلب مفتوح، اوعى تهمل.