تامر فرج مازحًا :"حلمت أني مرشح في مجلس الشعب وبتابع الدعاية الإنتخابية"
أثار الفنان تامر فرج الجدل بعد أن نشر منشور مزاح مع جمهوره، حالمًا أنه مرشح في مجلس الشعب، وذلك من خلال حسابه الرسمي على موقع تبادل الصور والفيديوهات إنستجرام.
تامر فرج يحلم بمجلس الشعب
وقال تامر فرج: “لا اله الا الله، استغفر الله العظيم من كل ذنب عظيم، أعوذ بالله من الشيطان الرجيم، اللهم اجعله خير، حلمت انى مرشح نفسى فى مجلس الشعب و بتابع الدعاية الانتخابية بتاعتى و صورى اللى بتتعلق على لوحات فى الشارع!!!، اه والمصحف!! انا خايف قوى!!!، ايه الحلم العجيب ده؟؟؟ حد يعرف تفسيره ايه؟؟، وليه انا احلم بمجلس الشعب؟؟؟”.
تامر فرج في مسلسل البخت
ويشارك الفنان تامر فرج في مسلسل البخت، الذي يُعرض حاليًا في موسم رمضان، وهو يعد من بطولة كوكبة كبيرة من الفنانين المتميزين، ومن أبرزهم الفنان أحمد عبدالعزيز، الفنانة عبير صبري، الفنانة هالة فاخر، الفنانة لمياء كامل، الفنان تامر فرج، الفنانة بسنت النبراوي، ومكون من ٣٠ حلقة.
تعليق تامر فرج على واقعة فتاة الأتوبيس
في سياق منفصل، قد علق الفنان تامر فرج على واقعة فتاة الأتوبيس، مستنكرًا من تأييد طرف ضد الآخر رغم استمرار التحقيقات في الواقعة، حيث كتب تامر فرج عبر حسابه بموقع فيسبوك: "بخصوص موضوع التحرش بالبنت فى الأوتوبيس بغض النظر عن الموضوع نفسه اللى أصبح فى ايدين السلطات هتحكم فيه فبالتالي ماليش إني أؤيد طرف ضد التاني مش ملاحظين أن الموضوع خرج من كونه واقعة تحرش أو لأ إلى كونه تقويم الستات على الرجالة والرجالة على الستات؟؟ أهلي وزمالك يعنى؟؟ وفى نفس الوقت في تقويم للمسلمين ضد المسيحيين والمسيحيين ضد المسلمين؟؟.
وأضاف تامر فرج: "واخدين بالكم من البرامج اللى بتقوم أي طرفين ضد بعض؟؟ طب خلوا بالكم بقى وبصوا على الصورة الكبيرة أي غضب من نص المجتمع ضد التاني أو أي طرف ضد الطرف الآخر ده بيضعف المجتمع وبيفكك الجبهة الداخلية وبيشغلنا عن أمور كتير لازم نركز فيها الفتنة مش لازم تكون طائفية الفتنة سلاح مدمر أكتر من السلاح التقليدي".
وتابع تامر فرج: “الحروب دلوقتي مش حروب رصاص وقنابل عارف أن ناس كتير هتقولي أنت كبرت الموضوع كده ليه.. بس اخدنا فى الفلسفه ان التجريد بيوصلنا لفهم الصورة الكاملة وحاجات ابعد من نظرتنا المحدودة فمعلش اعتبروني مجنون خلوا بالكم والحدق يفهم اللهم بلغت؟؟ اللهم فأشهد”.
