تامر فرج يشيد بابنة سامح عبد العزيز: لا يبقى سوى السيرة
أعرب الفنان تامر فرج بسعادته الكبيرة بابنة المخرج سامح عبدالعزيز بعد إخراجها فيلم قصير يشارك في مهرجان القاهرة السينمائي الدولي، وذلك من خلال منشورًا عبر حسابه الرسمي على موقع تبادل الصور والفيديوهات إنستجرام.
سعادة تامر فرج بابنة سامح عبد العزيز
وقال الفنان تامر فرج في منشوره: “سبحان الله الإنسان سيرة ولا يبقى إلا حب الناس، بعد وفاة المخرج سامح عبد العزيز صممت بنته جميلة أنها تترجم إحساسها بلغة السينما اللي كان بيعشقها.. وكتبت سيناريو رائع كلنا كنا مذهولين وأحنا بنقراه، و زاد ذهولنا أكتر واحنا بنشوفها بتنفذه بحرفية زي أي مخرج محترف شغال بقاله سنين في المجال، جينات إخراجية موروثة كلنا اتفاجئنا بيها مما جعل أسماء تقيلة في المجال تتبرع بتنفيذ الفيلم حبًا في سامح عبد العزيز وإعجابًا بجيناته اللى استمرت فى بنته: خالد الصاوى، وائل درويش، تامر كروان، وائل فرج، رامى القاياتى وظهر فيلم وجع الفراق للنور وبيتم عرضه أن شاء الله بكرة الثلاثاء بدار الأوبرا الساعة الواحدة ظهرًا فى المسرح المكشوف".
وتابع:" القصة دي كلها كان ممكن تبقى قصة عادية جدا لبنت بتحب أبوها، وزملاء بيحبوا زميل راحل فعملوا فيلم، إنما اللي مش عادى و يخلى القصة دي معجزة هو أن البنوته دي جميلة سامح عبد العزيز عندها فقط اربعتاشر سنة وفى ثانية اعدادى وقدرت تعمل كل ده، فخور بيكى يا جميلة و فخور أن أنا خالك واتمنى كلكم تحاولوا تحضروا و تشوفوا التجربة دى، الدخول مجانا و دعواتكم للمخرج الراحل سامح عبدالعزيز”.
طليقة سامح عبدالعزيز تعلن دخول ابنتهما الإخراج
في سياق متصل، كشفت المذيعة داليا فرج الديب، طليقة المخرج الراحل سامح عبد العزيز، عن دخول ابنتهما جميلة مجال الإخراج رغم صغرها سنها، واستعدادها لعرض فيلم قصير من إخراجها غدًا ضمن فعاليات مهرجان القاهرة السينمائي الدولي، في دورته الـ 46.
وكتبت طليقة سامح عبد العزيز: “جميلة سامح عبدالعزيز أول ما توفى باباها كتبت بوست إنها هاتحيى اسمه يفضل بيها و بتوعده بكده .. جميلة عمرها 14 سنة تانية إعدادي .. ترجمت وجعها وعبرت عنه في فيلم قصير”.
مشاركة خالد الصاوي في فيلم ابنة سامح عبدالعزيز
وأكملت: "كل اللى قرأ ما صدقش إنها فى السن ده علشان كده الكل قرر يكون معاها في نجاحها .. أسامي كبيرة بجد باشكرهم من كل قلبي .. الفنان الجميل خالد الصاوى ووائل درويش بشركته ومعداته في التصوير .. عمر كمال مدير تصوير .. رامي الأياتي مخرج منفذ .. تامر كروان موسيقى تصويرية .. وائل فرج بشركته في المونتاج والألوان .. ناس كتير فوق راسي كلهم بجد".
