«كنت هجيبها من شعرها».. لقاء الخميسي تهاجم إيمان الزيدي: ليه تاخدي راجل متجوز؟
قالت الفنانة لقاء الخميسي إنها واجهت سيدة حاولت التدخل في حياتها، مؤكدة أن تصرفاتها كانت مقصودة وتسببت لها في أذى، موضحة أنها فضلت التمسك باستقرار بيتها ومراعاة أولادها، لكنها لو لم تضع ذلك في اعتبارها لكان رد فعلها مختلفا تجاه الطرف الآخر.
لقاء الخميسي ببرنامج أسرار
وقالت لقاء خلال لقائها ببرنامج «أسرار» المذاع على شاشة «النهار» مع الإعلامية أميرة بدر: «أكيد كانت قصدها توصل لي رسالة، وكانت متخيلة إن أول ما أعرف كدة يبقى أنا هتطلق.. بس أول ما الموضوع يتعرف مين اللي يتساب؟ أكيد مش أنا».
وعبرت لقاء عن تمسكها ببيتها قائلة: «ده بيت وعيال وذكريات إزاي أفرط فيه» وبسؤالها عن مشاعرها تجاه الطرف الآخر، قالت: «كنت هجيبها من شعرها، هخبطها في الحيطة.. إنتي بتتعدي على حياتي وبتخش في حياة ناس وبتبوظيها، ليه الستات بتحارب بعضها؟».
حفاظ لقاء الخميسي على بيتها
وتابعت لقاء: «ليه أدمر بيت؟ ليه أخد واحد متجوز ما فيه ناس كتير مش متجوزين؟ سبتي كل الرجالة وروحتي للراجل اللي متجوز ومخلف وسمعتنا زي الفل وبنحب بعض قدام الناس كلها؟.. ده مرض في الدماغ».
وكشفت لقاء أنها تعرفت عليها سابقا: «هي شافتني كذا مرة في مناسبات مع أصدقائنا، وعادي حاطين عينينا في وسط رأسنا.. الستات دي دايما بيبقى عندهم نقص وعايزة تثبت إنها أحسن منك وهي معندهاش».
صدمة لقاء الخميسي وخيانة محمد عبد المنصف
صدمة لقاء الخميسي وخيانة محمد عبد المنصف
وعن تفاصيل رحلتها مع الدكتورة النفسية، قالت: «الدكتورة بتسمع وبعدين تبتدي تشتغل، لسه قدامي حبة حلوين عشان أخف من الموقف ده.. لأن في الآخر بتبقي وبتلاقي حياتك فجأة بتبوظ»، متابعة: «دايما بسأل نفسي إيه اللي حصل؟ تساؤلات كتيرة وإحساس بالذنب، هل أنا أذنبت في حاجة؟ هل فيه حاجة مضايقاه؟ فيه لخبطة في المخ وهتظبط مع الوقت، وفيه حزن لسه موجود جوا».
تحدثت الفنانة لقاء الخميسي عن المواجهة مع زوجها وموقف المقربين منها في محنتها، مؤكدة أن أولادها كانوا الداعم الأول لها.
لقاء الخميسي في محنتها
وقالت لقاء خلال لقائها ببرنامج «أسرار» المذاع على شاشة «النهار» مع الإعلامية أميرة بدر: «اللي وقف جنبي أهلي واتنين تلاتة من صحابي، لأن أنا كنت ساكتة وقافلة عليا الباب ومبتكلمش خالص ومش قادرة أتكلم مع حد.. وأخواتي كانوا بيكلموني على طول».
