لقاء الخميسي عن خيانة عبد المنصف: أنا حبيبته.. ليه فكر يصاحب واحدة تانية غيري؟

تحدثت الفنانة لقاء الخميسي عن دهشتها من قدرة زوجها على إخفاء تفاصيل أخرى في حياته لمدة 7 سنوات، دون أن يترك ما يثير الشك أو يلفت الانتباه.

لقاء الخميسي ببرنامج أسرار

وقالت لقاء خلال لقائها ببرنامج «أسرار» المذاع على شاشة «النهار» مع الإعلامية أميرة بدر: «الناس بتقول قدرت تخبي 7 سنين؟ ده أنت جامد.. ده أنت فظيع»، متابعة واصفة حالته في البيت: «لكن هو مكانش بيغلط غلطة.. كان حنين وطيب وجميل.. ولا بان عليه خالص ولا غلط مرة غلطة ولا ريحة ولا تليفون ولا حاجات اللي إحنا بنشوفها في الأفلام دي».

وعن رد فعل الزوجات بعد قصتها، قالت: «القصة دي خلت ستات مصر كلها تمسك الموبايلات وتفتش.. وفي رجالة كتير دعوا عليا وقالوا فتحتي علينا حاجات مكنش عايزين نفتحها».

وأضافت: «إحنا في بيننا كل حاجة حلوة، إزاي فكرت أصلا إنك تبص لواحدة تانية؟ أو تصاحب واحدة تانية غيري؟ ما أنا صاحبتك.. أنا صديقتك عايز صديقة غيري ليه؟».
وكشفت الفنانة لقاء الخميسي عن المشاعر التي داهمتها لحظة اكتشافها تفاصيل صادمة في حياتها الزوجية استمرت لـ 7 سنوات، مؤكدة أن شعور عدم الكفاية كان أول ما سيطر عليها.

لقاء الخميسي ورد فعلها على خيانة زوجها

وقالت لقاء خلال لقائها ببرنامج «أسرار» المذاع على شاشة «النهار» مع الإعلامية أميرة بدر: «أول حاجة جت على بالي إنه أنا مش كفاية، وده هزني.. إن أنا مش كفاية يهز ثقة الست شوية في نفسها».

وأضافت أنها بدأت تراجع نفسها وتبحث عن مواطن التقصير: «طول الوقت بحاول ألوم على نفسي يمكن أنا أكون عملت حاجة غلط، ابتديت أدور طب أنا قصرت في إيه؟ طب أنا عملت إيه؟ إيه اللي أنا قصرت فيه؟».

صدمة لقاء الخميسي وخيانة محمد عبد المنصف

وعن فكرة تقصيرها في حق بيتها، أوضحت: «أنا كدة كدة أصلا كان بقالي سنتين تلاتة قاعدة في بيتنا يعني باخد بالي من ولادي وباخد بالي منه.. الحاجة الوحيدة اللي عملتها في النص كانت مسرحية وهو كان بيدعم جدا.. فأنا مكنتش مقصرة في حاجة بس أنا اللي جالي هاجس إن أنا ممكن أكون مقصرة في حاجة مضايقة أو مش مظبوطة».