مفاجأة عالهوا.. فتاة الأتوبيس ترفض الرد على «صاحب السبحة» والأخير يحرجها
كشف برنامج «حديث اليوم»، خلال استضافة عم بدر المعروف بـ«صاحب السبحة» في واقعة «فتاة الأتوبيس»، أن الفتاة اعتذرت عن إجراء مداخلة هاتفية أثناء وجوده، دون إبداء أسباب إضافية.
رفض المواجهة ورد عم بدر
وعلق عم بدر على رفض الفتاة للمواجهة خلال لقائه ببرنامج «حديث اليوم» المذاع على شاشة «الحدث اليوم» مع المذيعة نهلة عامر، قائلا: «لا دي مش بتاعتي أنا بقى، أنا جاي أقول اللي يرضي ربنا ويرضي رسوله، أنا مليش علاقة بحد، أنا ولا جاي أدافع.. أنا دلوقتي على فكرة أنا بقيت بتساءل، يعني هل هذه قضية حقيقية أم هو بحث عن تريند؟».
براءة الشاب وقرار النيابة
واستشهد عم بدر بقرار النيابة العامة في حق الشاب المتهم، موضحا: «النيابة أفرجت عن الولد لأنه مش عليه أي إدانة ولا سرق ولا حرامي.. إحنا دولة عادلة وعندنا رئيس ديمقراطي.. الولد كان واقف على مسافة بعيدة منها.. هو هيمد إيده إزاي؟ أو هيقول لفظ يعني حتى هنقول بلاش جسدي هنقول مثلا كلام».
استحالة التحرش اللفظي دون سماعه
ورد الشاهد على ما قيل حول التحرش اللفظي قائلا: «الأتوبيس فاضي وهادي وأي كلام كان هيبقى مسموع.. بدليل إن هي لما صرخت لفتت نظري ليها.. يعني هو لو قال أي لفظ، في كراسي وفي ناس قاعدة وهو واقف جنب الناس دي، لو هو قال لفظ خارج أو لفظ مش كويس الناس اللي قاعدة تسمعها اللي على اليمين واللي على الشمال.. يعني استحالة».
وتابع صاحب السبحة: «مين هيسمع لفظ مش كويس يتقال لبنت وهيرضى؟ أكيد إحنا الشعب المصري عنده نخوة لن يقبل إهانة لأي امرأة ويسكت.. ده إحنا لما بنقول آه بتلاقي الناس كلها بتجري حتى من غير ما يعرفوا فيه إيه بيدبوا فيه.. يعني أنا بالتالي لما أنا أكون شايف بعيني ولد عمل حاجة مش كويسة وأنا أسكت عليه يبقى أنا إنسان مش كويس».
وفي سياق متصل، كشف عم بدر المعروف بـ «صاحب السبحة»، تفاصيل جديدة حول واقعة «فتاة الأتوبيس» التي تصدرت التريند مؤخرا، حيث كان حاضرا للواقعة منذ بدايتها داخل الأتوبيس وحتى تدخل قوات الأمن، راويا ما فعلته الفتاة لحظة وقوف الأتوبيس في منطقة البساتين.
واقعة فتاة الأتوبيس ومشهد النجدة وصراخ في الشارع
وروى صاحب السبحة تفاصيل الواقعة قائلا: «إحنا وقفنا عند نزلة البساتين على الدائري، كان فيه عربية نجدة واقفة، فهي نزلت تجيب حد من العربية بتاعة النجدة.. فـ جاي أمين شرطة فبيقول له تعالى، فإحنا كمجموعة الناس اللي كانت حضرت الموقف اتجهت لأمين الشرطة وقالوله هو معملهاش حاجة ومكلمهاش، وهي في الشارع فضلت صويت وصريخ وزعيق».
