أحمد موسى: مبروك للوزراء الجدد ومتشكرين لكل من أنهى مهمته بنجاح
وجه الإعلامي أحمد موسى رسالة تقدير للمسؤولين والوزراء، سواء الراحلين عن مناصبهم أو القادمين الجدد، مؤكدا على ضرورة إرساء ثقافة الشكر والامتنان في العمل العام.
التغيير الوزاري
وقال أحمد موسى، خلال برنامجه "على مسؤوليتي" المذاع عبر شاشة "صدى البلد":" كل وزير ومسؤول جديد جاي في مهمة مكلف بيها نقوله مبروك، وبعد ما يخلص نقوله متشكرين.. بنشكر اللي هيستمر واللي خلص مهمته متشكرين، إحنا اتربينا على كده ودي أخلاقياتنا".
ودافع "موسى" عن الوزراء الذين طالتهم الانتقادات قائلا:" هي دي سنة الحياة، مش معناه إنه وحش، لا هو أدى اللي عليه، مش لازم بقى الناس تجلده.. هما كانوا بيشتغلوا ليل ونهار والعمل العام صعب، وكل حتة في البلد عايزة تتعمل، الله يكون في عون كل مسؤول".
الأمن الغذائي المصري خط أحمر
وفي سياق آخر، قال الإعلامي أحمد موسى، إن الأمن الغذائي المصري خط أحمر، معلقا:« موضوع الأكل والشرب محدش يقدر يقرب منه، سيادة الرئيس عبد الفتاح السيسي يتابع يوميا عندنا احتياطي أد أي، أيوه عندنا بفضل الله».
وأوضح:« التجار والا السماسرة دول عارفين بيعملو أد أي فلوس حوالي من 5 لـ 6 مليار جنيه سنويا، كما أن العام الماضي تم توريد 4.2 مليون طن قمح لهيئة السلع التموينية، السنة دي توريد 5 مليون طن إن شاء الله يبقى انت بتزيد».
رغيف العيش موجود
وأضاف "موسى"، خلال تقديم برنامجه «على مسئوليتي»، المذاع على على قناة صدى البلد: «حضرتك ليك رغيف عيش تروح تاخده ببطاقة التموين ومينفعش يقولك معنديش عيش، العيش موجود».
وتابع:« كان عندنا السعة التخزينية مليون أو 3 ونصف مليون طن، وهنوصل لحوالي 6 مليون طن، لأن الصوامع هتوفر سعة تخزينية».
في وقت سابق، علق الإعلامي أحمد موسى على الجدل المثار بشأن آليات استيراد القمح ودور جهاز «مستقبل مصر» في منظومة الشراء الموحد، موضحا الفوارق الاقتصادية وآليات التمويل، ومؤكدا أن ما تقوم به الدولة يستهدف كسر الاحتكار وتأمين رغيف الخبز للمواطنين بأسعار عادلة في ظل سوق عالمي متقلب.
مزايا سعرية تفضيلية
جاء ذلك في تغريدة به عبر منصة «إكس»، قائلاً:« أنا مش فاهم الفارق بين إننا نستورد وندفع نقدي 240 دولار للطن، زائد 30 دولار شحن ونقل، وبين إننا ندفع على 270 يوم للموردين من خلال تقنيات تمويل بتدينا مزايا سعرية تفضيلية، خصوصًا إن مصر أكبر مستورد قمح في العالم».
